影片
更多
2020-01-07
675 浏览
「Hey bae uh, I know ya. Get close tonight we let it go.」正所谓去到边食到边，只要有好西，就有我既存在。所以就算去到西营盘老练咁远，都要黎试一试呢间高质小店「Bingaz Street Food」。以我所知佢附属于同区人气高企既澳洲和牛餐厅「The Den」，以走较平价既东南亚街头小食，例如面食、串烧同炸物。虽然铺头细细，但系气氛唔错，深蓝色木板装饰，营造浓厚既欧洲异地风貌！👇📌Wagyu Beef Brisket Noodles - $78👉所有食物都系由佢地餐厅旗下，东南亚藉厨师即叫即做。用料讲究，手工唔马虎，呢点足以令我大赞。就好似呢碗招牌菜「澳洲和牛腩汤面」，和牛腩肉经过12个钟头慢煮，肉质鲜嫩多汁，口感软腍入味，咬落每啖牛香味出到不得了。再配合中式油面、芥兰、豆卜、流心蛋索哂个汤底，简直系无得输呀！📌Seafood Laksa - $78👉就咁睇成碗「海鲜喇沙」都觉得非常足料，流心蛋、青口、大虾，加埋金黄色喇沙汤底，够哂抢眼。虾肉爽口鲜甜；青口口感烟韧，有咬口；豆卜索哂汤底，一咬犹如濑尿牛丸咁爆哂汁，爽呀！📌BBQ Bee
正所谓去到边食到边，只要有好西，就有我既存在。所以就算去到西营盘老练咁远，
都要黎试一试呢间高质小店「Bingaz Street Food」。以我所知佢附属于同区人气高企既
澳洲和牛餐厅「The Den」，以走较平价既东南亚街头小食，例如面食、串烧同炸物。
虽然铺头细细，但系气氛唔错，深蓝色木板装饰，营造浓厚既欧洲异地风貌！👇
📌Wagyu Beef Brisket Noodles - $78
👉所有食物都系由佢地餐厅旗下，东南亚藉厨师即叫即做。用料讲究，手工唔马虎，呢点足以令我大赞。
就好似呢碗招牌菜「澳洲和牛腩汤面」，和牛腩肉经过12个钟头慢煮，肉质鲜嫩多汁，口感软腍入味，
咬落每啖牛香味出到不得了。再配合中式油面、芥兰、豆卜、流心蛋索哂个汤底，简直系无得输呀！
📌Seafood Laksa - $78
👉就咁睇成碗「海鲜喇沙」都觉得非常足料，流心蛋、青口、大虾，加埋金黄色喇沙汤底，
够哂抢眼。虾肉爽口鲜甜；青口口感烟韧，有咬口；豆卜索哂汤底，一咬犹如濑尿牛丸咁爆哂汁，爽呀！
📌BBQ Beef Slider - $45
👉两碗面又点够喉呢！黎多个Side dish「烧烤酱牛肉迷你汉堡」，虽然系细细旧，但份量一样做到胀卜卜够厚身。
里面夹住软熟既免治牛肉，加左BBQ酱，咬开肉汁丰富仲几惹味。加埋新鲜生菜同蕃茄，传统口味够哂满足！
📌Tom Yum Wings - $48
👉佢地既小食认真唔错，泰式「炸冬荫功鸡翼」够地道风味，师傅即叫即炸，新鲜滚热辣。
鸡翼本身腌左，所以比较浓味，但冬荫功唔会太辣，岩岩好！
📌Skewers -
▪ Satay Chicken - $18
▪ Pork Neck - $18
▫ 睇住师傅一边烧一边流哂口水，分别试左「烧猪颈肉串」、「沙爹鸡串」，佢地既串烧用
独家酱汁腌制过，烧出黎比平时食开既更加香浓入味。而两者质感亦都做到嫩滑多汁，唔干身，正！
张贴
