好日咖啡店 (已搬遷) 新店位置

放工行开呢头，呢区不泛食肆，我被呢间装修简洁嘅餐厅「GoodDay」同呢个店名所吸引，未食已觉得附合今日心情，所以选择呢度食set dinner。店主系环境同食物设计都好用心，墙上同食物上都有小小生活句子，令人感觉悠然自在同写意。餐汤系鲜南瓜忌廉汤，汤底很浓稠很有质感，味道浓郁，好鲜甜，第一道菜已令我深深体会到好新鲜嘅味道，所以问店主，原来佢地每日会去买个大南瓜去打个汤，难怪咁鲜甜好味，味道绝对同出面罐头嘅不同，欣赏佢地咁细微嘅汤都用心制作，呢个汤真的要试，推介！！牛肉芝士汉堡，牛肉系手打的，相当不错，丰富肉汁，肉质柔嫩得黎肉味特浓，块牛肉真系超级厚，里面有芝士配牛肉，还有大大个面包，好味！！仲配上超级大碟又好味爽口嘅沙律（可选薯条或沙律），令人食好满足！！最后点少得点一柸呢度嘅笑哈哈饮品，我味咗柸热朱古力好香好浓，极具水准，饮后余韵重，特别个笑哈哈样令人见到好开心，配合返店名「GoodDay」系个个美好嘅结尾。总括：食物有水准，用心制作，服务好，值得推介！！