影片
更多
2020-09-19
1608 浏览
友人晌大角咀一头工作，讲到𠮶边嘅转变，佢话非常之大且快，我都认同，因为年初都嚟过呢头食饭，都眼见有好多新楼落成或建筑中。讲吓讲吓就讲到食，佢话有家新餐厅「Homeland」刚开业，水准唔错，定价算相宜，是夜趁住家饭休息，屋企无饭开，就过嚟同朋友聚一聚食餐便饭。门面都几特别，以霓虹灯做到好颜色化，一旁嘅拉闸专登唔开，就画上本土彩绘，都喺打卡位。而走到入餐厅内，简约嘅装修，以浅色木系餐枱衬以五颜六色嘅餐椅、吊灯嘅叶片装饰，都令到整体有种活力感。不得不提，啲餐碟都好特别，有唔同嘅图案，或有意思嘅片语，有啲都几治愈。晚市无套餐供应，都喺散点菜式，分类包括沙律、汤品、前菜、拼盘、薄饼、全日早餐、手工意粉及意饭、主菜及甜品，但是夜就未有供应薄饼，此外，需收加一服务费。另一张喺饮品餐牌，选择亦常之多，如本地手工啤、红白餐酒、汽酒、水果花茶、特饮、果汁、茶啡……等等。匈牙利牛面颊炖意大利饭 $98 一向都认为，如果一家餐厅嘅意大利饭做到好，其他嘢都差极有个谱，所以，专登点呢个意大利饭一试大厨手势。初睇以为得一大嚿牛面颊肉，其实唔喺，饭内混有唔少丁方大细嘅面颊肉丁，啲肉质非常松化，甚具肉香，而饭粒够湿润
门面都几特别，以霓虹灯做到好颜色化，一旁嘅拉闸专登唔开，就画上本土彩绘，都喺打卡位。而走到入餐厅内，简约嘅装修，以浅色木系餐枱衬以五颜六色嘅餐椅、吊灯嘅叶片装饰，都令到整体有种活力感。
不得不提，啲餐碟都好特别，有唔同嘅图案，或有意思嘅片语，有啲都几治愈。
晚市无套餐供应，都喺散点菜式，分类包括沙律、汤品、前菜、拼盘、薄饼、全日早餐、手工意粉及意饭、主菜及甜品，但是夜就未有供应薄饼，此外，需收加一服务费。
另一张喺饮品餐牌，选择亦常之多，如本地手工啤、红白餐酒、汽酒、水果花茶、特饮、果汁、茶啡……等等。
匈牙利牛面颊炖意大利饭 $98 一向都认为，如果一家餐厅嘅意大利饭做到好，其他嘢都差极有个谱，所以，专登点呢个意大利饭一试大厨手势。初睇以为得一大嚿牛面颊肉，其实唔喺，饭内混有唔少丁方大细嘅面颊肉丁，啲肉质非常松化，甚具肉香，而饭粒够湿润且咬口，兼酱汁似加入香茅之类，有阵阵香味。
慢煮秘制烩羊膝 $148有睇过小弟嘅食评都会见到，晌肉类中，我不时都会拣羊嘅菜式，更难得友人都喜欢食羊，咁就梗喺点一客羊膝嚟试试啦！羊膝非常大件，裁出嚟嘅肉都有唔少，经过慢煮，啲肉嫩滑细腻，好有羊肉嘅夺独有气味，却唔喺好膻啫，加上烩得入味，而伴菜嘅薯蓉亦打得软滑，有薯香，抵食。
慢煮秘制烩羊膝
$148
33 浏览
0 赞好
0 留言
店员话呢个酥皮挞要预番10-15min制作，所以，我哋食到主菜近尾之时，就叫店员帮忙上菜。不过，当以为件挞送嚟之时喺芳香热辣，但入口却只有微温，感觉有点打折扣。幸而，件挞本身都做得有水准，挞身填得满满嘅苹果肉，又混有少少杂莓，所以，酸甜有层次；面头嘅金宝就令人食起嚟更感牛油香，唯挑剔位喺个挞壳唔够脆。
本来都想试试佢哋嘅特饮，可惜是夜无供应，其他嘢饮就喺比较惯见嘅大路嘢，亦无咩餐饮加配嘅优惠。虽然店员嘅招呼殷勤有礼，但感觉有少少人手不足，加上餐厅嘅格局比较多暗角位，好似我哋所坐嘅柱后暗角位，就往往会易被忽略。整体而言，以今晚所试嘅菜式，定价算相宜，如有啲套餐或加配优惠，就更划算喇。
张贴
