影片
更多
2024-03-24
1960 浏览
都好耐无同老死发哥出嚟食饭聚旧，就啱佢抱恙初愈，话点都要食番餐好嘅嚟安慰下自己，所以，拣咗过嚟「荃湾广场」嘅「Homeland」，因为住晌荃湾嘅在地老友推介，故对餐厅吧嘅质素胸有成竹，加上出咗个薄饼二人套餐非常抵食。餐厅门口好大，入到里面，唔止环境阔落，楼底亦高，装修摩登，走色泽鲜明氛围。最吸晴就喺一面墙身嘅彩绘，以及中庭位置嘅干花天花板。虽然只喺周三晚，却喺有9乘满入座率，几时都话，只要食物做得有水准，就唔愁无客路。餐牌印刷精美，采用二维码落单自然唔喺新鲜事，但亦有高低分野。喺介面上设计比较清晰，而里面选项亦做得细致、多元化，就以甜品为例，可以拣后上，喺一个贴心嘅选项，唔使啲嘢一次过堆晒嚟。上文都提过我哋嚟食个个薄饼套餐「PiPi Pizza套餐」（$388/2位），除此之外仲有「新奥尔良海鲜拼盘套餐」（$628/2位及$1,180/4位）、「招牌惹味啤酒鸡套餐」（$788/4位）。每款套餐都包埋餐汤、沙律、主食、饮品，亦提供升级及追加优惠。如果套餐唔啱食，散点都有好多选择，所以顺便介绍埋散点嘅主餐牌，包括沙律、汤品、前菜、拼盘、薄饼、饭品、意粉、主菜、儿童餐、甜品……等等大类。而饮
餐厅门口好大，入到里面，唔止环境阔落，楼底亦高，装修摩登，走色泽鲜明氛围。最吸晴就喺一面墙身嘅彩绘，以及中庭位置嘅干花天花板。虽然只喺周三晚，却喺有9乘满入座率，几时都话，只要食物做得有水准，就唔愁无客路。
餐牌印刷精美，采用二维码落单自然唔喺新鲜事，但亦有高低分野。喺介面上设计比较清晰，而里面选项亦做得细致、多元化，就以甜品为例，可以拣后上，喺一个贴心嘅选项，唔使啲嘢一次过堆晒嚟。
上文都提过我哋嚟食个个薄饼套餐「PiPi Pizza套餐」（$388/2位），除此之外仲有「新奥尔良海鲜拼盘套餐」（$628/2位及$1,180/4位）、「招牌惹味啤酒鸡套餐」（$788/4位）。每款套餐都包埋餐汤、沙律、主食、饮品，亦提供升级及追加优惠。
如果套餐唔啱食，散点都有好多选择，所以顺便介绍埋散点嘅主餐牌，包括沙律、汤品、前菜、拼盘、薄饼、饭品、意粉、主菜、儿童餐、甜品……等等大类。
而饮品方面有另一个餐牌，同样选择非常之多，包括港式饮品、果汁、汽水、特色咖啡、活乳酸、梳打、花茶、特色朱古力、果茶、芝士奶盖系列……等等。睇得见饮品选择都非常有特色，所以，我都升级配咗一杯芝士奶盖饮品。
顺带一提，如果想食得抵啲，除咗套餐之外，仲可以考虑下早鸟时段或者猫头鹰时段嚟帮衬，不过，个八折优惠应该只限于散点餐牌。
餐碟、餐具、餐纸、清水就放在枱边一傍，最钟意喺啲餐碟，碟面嘅图案非常精美。
餐汤配蒜蓉包餐汤可以拣厨师精选浓汤或法式鲜打龙虾汤（+$18），香港人一向多心，所以，就梗喺每款要一客试试啦。前者今日喺蕃茄浓汤，质感啱啱好，蕃茄味好香浓，但又唔会话得个酸字，确喺唔错；而后者龙虾汤入口鲜虾未突出，而且里面有少少龙虾肉，坚真材实料，无欺场，加上质感滑溜，绝对值得加钱升级。蒜蓉包都好食，有蒜香，包身松软，沾一沾啲汤嚟食，别有一番滋味。
慢煮鸡胸日式胡麻沙律特色沙律方面，有4款选择，慢煮鸡胸始终喺最稳阵，所以就拣佢。先讲讲啲沙律菜，可以讲用料新鲜，入口爽脆，淋上胡麻酱，芳香好味，啲慢煮鸡胸处理得非常好，咬落好腍好滑，再者啲鸡肉够新够鲜甜，唔会有一阵阵雪味。
慢煮鸡胸日式胡麻沙律
8 浏览
0 赞好
0 留言
薄饼又喺有4个选择，其实各有特色，都有啲难落手，不过，老友就觉得中西合璧有趣啲，就拣咗北京填鸭，面面铺咗好多青瓜丝及大葱丝，甚有食北京填鸭感，再者，批面确有唔少鸭丝，配合埋咸香嘅芝士，个配搭又几唔错㖞，此外，睇到芝士有两只色，可见应该喺用上车打加莫沙里拉芝士，有诚意呀，而个批底亦脆得嚟有咬口。
香煎澳洲安格斯肉眼扒配薯菜 +$88本来就想试意大利饭，因为最考师傅手艺，不过，老友就话好想食扒，所以，升级试试店家嘅肉眼。外观烧得几靓仔，甚具焦香感，选上7乘熟，切开睇睇，几唔错，仲带有粉嫩嘅红色，咬落唔及牛柳咁腍，但好有肉味。配碟嘅薯菜，薯蓉打得柔滑，内里却保留少少粒粒口感，而蔬菜用上意大利黄瓜，又喺诚意嚟。
蜂蜜红枣茶老友就好想整杯冻饮，但刚好番又未叫足，稳阵啲饮杯热饮之余，仲拣咗杯好润嘅红枣茶，佢就话好清润，而且，几浓红枣味，渗出淡淡蜂蜜香，唔错唔错。
玫瑰荔枝果肉芝士奶盖 +$24小弟一向都几喜欢台式饮品，就梗喺要试试芝士奶盖啦，大大杯一身艳红。先啜吓上层奶盖，丝滑而淡淡咸香，再啜下层，玫瑰味好出，其实有少少偏甜，不过，混埋啲芝士奶盖，又几平衡，底下仲有少少清甜嘅荔枝果肉，啱晒我。
芒果荔枝手工芝士蛋糕 $48从甜品类所见，如果散点要$68，依家就算喺悭少少。卖相几唔错，花咗啲心思，加咗啲点缀，但最紧要喺味道，饼底够薄，而质感非常之软滑，荔枝味嘅芝士蛋糕好食，咸咸甜甜咁，饼面仲加咗少少芒果软浆。
整体而言，食物、环境都称心，招呼又好，店员有礼又细心，定价都亲民，若非升级呢样，升级𠮶样，连埋加一，每人二百松啲就可以落楼。
张贴
