太安樓牛雜

营业中

休息中

【东区】【太安楼牛杂】以我风流倜傥嘅程度同埋聪明才智，理论上我成世人应该唔会有多少机会同到啲靓女对话。不过自从开设呢个饮饮食食嘅 Foodie 帐户之后，系会多咗啲同靓女对话嘅机会，言谈间讲开呢间太安楼牛杂，就提起咗我嘅兴趣。我曾经系好中意食牛杂嘅，中意嘅程度系令到我 ex 觉得我送佢返屋企系因为想去佢屋企附近食牛杂嘅。实情当然唔系咁，真系顺便去食，然而𠮶时喺美孚𠮶间小食店嘅牛杂又真系整得几好食，不过而家已经执咗，冇得再食。执咗嘅当然唔止系小食店，连我嘅感情生活都执埋笠。然而，我估如果我唔系单身都唔会有咁嘅时间去整 foodie 帐户出嚟畀读者睇我嘅日常生活。咁大家又唔使太担心嘅，我都仲系正常嘅，今次就系同一位女性朋友去呢间。以我喜欢牛杂嘅程度，我毫不犹豫咁叫咗碗 $65 嘅「大杂」，店员会问要唔要「柚皮」，我哋系要咗嘅。之后又问甜酱同辣酱𠮶啲点，我误会咗辣酱系黄色芥辣，叫佢落少啲，原来佢真系一个辣酱嚟，所以碗嘢系有三个酱嘅。戏肉当然系啲料，「牛膀」、「牛肚」、「猪肺」、「猪肠」，其实几样都整得唔错，尤其系我以前都唔多食嘅牛膀，喺呢度都整得几好，口感唔会系鞋到好似猪膶咁𠮶款，朋友唔食嘅