Pampas

营业中

休息中

Item: Pampas
Rating: 5
Author: darumafoodie

92 食记

味道

环境

服务

卫生

抵食

7391

中环

$101-200

阿根廷菜扒房

条款及细则:
餐厅:	Pampas
优惠:	于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。
立即加入国泰会员计划，今日开始累积里数！
国泰会员每次可赚取「亚洲万里通」里数之消费额上限为港币10,000元。会员凡于国泰伙伴餐厅作合资格消费，每港币4元可赚取2里数。而渣打国泰Mastercard®客户凭卡消费可享每港币4元赚取2里数，包括合作伙伴餐厅合资格消费之餐膳里赏（每港币4元赚取1里数）及基本餐饮类别之合资格签账奖赏（每港币4元赚取1里数）。赚取之「亚洲万里通」里数将根据餐饮与膳食消费，包括服务费、税项及小费的总和而计算。惠顾特定推广套餐或不可赚取「亚洲万里通」里数。请预先向个别「赚里餐厅」查询。赚取的「亚洲万里通」里数将于认可餐膳消费交易后10个工作天内存入会员的账户。

须受其他国泰条款及细则约束。

darumafoodie

等级3

适逢父亲节，父亲大人佢不嬲几钟意阿根廷呢个地方，阿根廷嘅球队、风土人情等等。👴🏻👴🏻👴🏻可惜小编不孝，带唔到佢去当地，唯有带佢嚟呢间 @pampas_36 。Pampas Argentina Steak House 系 @pampashk 的姊妹店，系香港早期嘅阿根廷餐厅。🇦🇷🇦🇷🇦🇷入面装修好有异国风情，典雅幽静，老细亦好热情，推介咗啲特色食物俾我哋。

➡️Salad 🥦

呢度有个自助沙律吧，有唔同沙律菜、坚果、酱汁选择。选择上唔算好多，但感觉都新鲜干净，油醋沙律作为开胃菜认真唔错。

➡️Provoleta $118 🧀🫕

呢个系老细极力推荐嘅阿根廷传统菜式，主要系用Provolone Cheese、香草、青橄榄整成。Provolone Cheese系一种非常拉丝嘅芝士，焗溶咗可以拉到非常之高，再夹落面包到食。小编本身都买过呢种芝士嚟食，嫌佢淡咗啲，得阵奶味，但估唔到佢呢个咸咸香香，配面包超正。

味道：9/10

➡️Empanada de Carne $45 🥧

呢个其实即系牛肉馅饼。据老细所讲，喺拉丁美洲、阿根廷都非常普遍系好多餐厅会出现嘅小食之一，佢出面嘅㓟皮喺偏硬脆𠮶种嘅批皮（非酥皮、牛油皮）。入面系牛肉碎，充满香料嘅味道。

味道：8/10

➡️Luigi Bosca 🍷

节日梗系要饮杯酒庆祝吓，小编就唔多饮酒，唔系好识评论。但父亲大人似乎都几满意，话果味几香，少少似车厘子同莓味。

➡️Tenderloin Steak (250g)$375 🥩
➡️Sirloin Steak (250g)$275 🐄

终于到今日嘅主角，就系阿根廷嘅草饲牛肉。唔讲唔知其实牛肉牛扒对阿根廷人嚟讲系非常重要嘅一个食物。因为呢度有辽阔嘅大草原，非常适合畜牧业，使得牛只运动量充足，脂肪不多但肉味十足，同时草饲牛可以令肉有较多Omega-3 脂肪酸，对食客负责较轻、亦比较健康。如果唔多钟意充满油脂嘅日本和牛，阿根廷牛可能几啱你。呢种优势亦都给引欧洲人投资或者买货，养活咗一班阿根廷人。

佢哋牛排大致分为三种：里脊肉、肉眼同西冷。我哋就试中低各一。Tenderloin 可以叫菲力，或者系去脂腰里肌肉，位于牛腰背的内侧后段肌肉，呢个位少运动到，唔肥之余，肉质又系最柔嫩嘅部位。呢个里脊肉牛排，你见虽然好厚，而且系七成熟，但中间仲粉嫩，食落一啲都唔韧，肉味突出。至于西冷系牛腰后端接近尾的部分，含有较多的肥油。算系油脂同肉味比较平衡嘅位置。不过小编会推荐五成多。🤣

牛排可以配蘑菇汁或者黑椒汁。其实两款都系Gravy 底，会有阵牛肉味。真系比较黑椒汁会惹味啲，可以见到佢有唔同粗幼嘅黑椒粒营造层次。蘑菇汁嘅蘑菇味就唔系好突出，似普通Gravy。

牛排亦可以拣配菜，我哋试咗薯条同炒蘑菇粒，前者脆身，调味啱啱好。后者冇一个好突出嘅味，调味唔重，菇味又唔算突出，胜在新鲜多汁。

味道：8.6/10
味道：8.2/10

➡️Crema La Espinaca $75 🌱

小编其实系第一次食忌廉菠菜，本身觉得怪怪地。但又唔错，几香奶味，食落好Creamy。

味道：7.8/10

➡️总评 🙇🏻

整体来讲，小编觉得呢间餐厅无论系佢嘅装修、服务、食物都好好，而且有好多嘢系我哋冇试过，非常有特色。价钱方面，平就唔系，但考虑地点同质素，算合理啦。不过老细都话佢哋近排生意差咗唔少，小编觉得一间咁有历史嘅品牌，如果真系结业会好可惜，希望有多啲人支持啦。

抵食：7.8/10
环境：8.2/10
服务：9/10（俾热情老细的～🫶🏻）