影片
更多
2024-03-06
5991 浏览
一个法国主厨，带佢嘅美食魔法入嚟四季酒店，已经令Caprice 蝉联米芝莲⭐️⭐️⭐️食材直接每日由法国🇫🇷送到香港，希望每道菜式做到令人觉得异想天开🤩一入到餐厅，超宽敞，远远已经见到半开放式厨房，但一啲油烟味、食物香味都闻唔到，每个角落只有淡淡嘅清新味道🎍餐厅整体无过多嘅装饰，只有几个大型吊灯，唔觉俗气😆两层用餐位置嘅设计，下层主要二人枱为主，但唔会阻到上层望出窗外嘅景色👍🏻今次我哋坐系下层窗口位，睇住维港竟然会慢咗落嚟，好似连渡海小轮都行得好慢🐌小食餐包除咗有开胃小食，餐包有五款，作为包控，试哂，我较推松软系列，配佢有盐无盐牛油，好味👍🏻前菜传统法式酥皮肉批伴腌制香梨一上桌一刻，见到一幅非常靓嘅「画」，好似一道门邀请你入屋咁。法式传统嘅一道菜，「门框」用咗酥皮，「门身」系肉批，做得好贴好满，一啲空间都无，味道好足，中间配一小啖梨，梨肉梨蓉均非常浓，做得到稍为中和整碟菜式😋汤🥣特色洋葱浓汤侍应上碟后倒热汤一刻，洋葱香味大爆发，每啖入口都系浓汤，绝对要全清🤭肉🥩香烤法国鸭肉伴鸭肝挞配香梨及咖啡鸭肉味道刚好，侍应上碟一刻倒汁。如果热度可以多少少，个汁配上去应该好少少。鸭肝挞个样整到好似甜品，点
一入到餐厅，超宽敞，远远已经见到半开放式厨房，但一啲油烟味、食物香味都闻唔到，每个角落只有淡淡嘅清新味道🎍餐厅整体无过多嘅装饰，只有几个大型吊灯，唔觉俗气😆两层用餐位置嘅设计，下层主要二人枱为主，但唔会阻到上层望出窗外嘅景色👍🏻
今次我哋坐系下层窗口位，睇住维港竟然会慢咗落嚟，好似连渡海小轮都行得好慢🐌
小食餐包
除咗有开胃小食，餐包有五款，作为包控，试哂，我较推松软系列，配佢有盐无盐牛油，好味👍🏻
前菜
传统法式酥皮肉批伴腌制香梨
一上桌一刻，见到一幅非常靓嘅「画」，好似一道门邀请你入屋咁。法式传统嘅一道菜，「门框」用咗酥皮，「门身」系肉批，做得好贴好满，一啲空间都无，味道好足，中间配一小啖梨，梨肉梨蓉均非常浓，做得到稍为中和整碟菜式😋
汤🥣
特色洋葱浓汤
侍应上碟后倒热汤一刻，洋葱香味大爆发，每啖入口都系浓汤，绝对要全清🤭
肉🥩
香烤法国鸭肉伴鸭肝挞配香梨及咖啡
鸭肉味道刚好，侍应上碟一刻倒汁。如果热度可以多少少，个汁配上去应该好少少。鸭肝挞个样整到好似甜品，点啜好靓好工整，味道唔腻，舒服，我个人钟意呢个挞😆
法国羊肉伴莴笋及鹰嘴豆泥配烧汁
羊肉点咗MEDIUM RARE，质感我哋都钟意，唔膻，不过令我哋惊喜同样又系配菜，莴笋鹰嘴豆泥好清新，有助提升肉味🤩
甜品🍧
法式栗子蛋糕伴柑橘及柚子雪葩
栗子算浓，值得提系入面嘅层次靓仔，一啖食落劲丰富，酸甜交错但配得好好，唔会过冻，好好味🤤
多谢靓字写上HAPPY BIRTHDAY 💛
最后朱古力做尾声
服务方面今次用餐有唔稳定嘅地方，初初由一位男经理略略介绍，另一位男仕应介绍餐牌，留我哋自行讨论。其后换另一位女侍应嚟，好热情咁不停推介厨师精选，我想知当日时令鱼系咩，佢就退去厨房问（唔系应该本身知😅）问完返嚟答我哋，再强调要点厨师精选，话咩都会有😅最后我哋点FOUR COURSES，开始上餐包时都无乜嘢，都系NICE。未几就转咗另一位女侍应嚟招呼我哋，之前𠮶位女侍应无论系提供服务去我哋定隔离枱，全程几乎黑面，我会奇怪「你初初招待时咁热情，好似变咗第二个人咁😅」我观察其他侍应系正常水准，同时上菜同时落汁、介绍菜式、一致性仍然做到。以上纯系我个人观察，可能该位女侍应返后台后发生咗啲事，令佢180度大改变，当然服务唔使24/7「四万哥」，不过太大落差会容易令客人感觉麻麻，定系唔知佢发生咩事。纯粹我个人用餐比较易受环境影响，呢点令我感觉美中不足。
张贴
