堅離地冰室

营业中

休息中

【中西区】【坚离地冰室】成日同同事食饭，系时候都要同返朋友食饭。今次约咗浣纱娘喺坚尼地城食晚饭，都好耐冇过嚟呢边揾佢食嘢。虽然呢间餐厅个名系冰室，但系夜晚系供应西餐，仲有扒锯，啱晒我呢啲食肉兽。叫完嘢食，侍应就畀咗两碗「罗宋汤」我哋，几有港式风味。我哋 share 食，首先试 $109 嘅「脆皮德国咸猪手伴芥末烧汁」，加 $10 要埋「意粉」，个猪手几好，皮够脆，肉又香。意粉口感亦都好好，厨师煮到啱啱好咁嘅。之后试 $128 嘅「威灵顿牛柳」，件牛柳都唔错，而佢唔跟任何嘢嘅话，系配「薯蓉」嘅。我觉得个薯蓉唔错，浣纱娘就话好正，仲叫我加大篇幅写佢有几好食，其实佢奶香够，里面嘅薯仔粒都做得好出色，难怪佢咁兴奋。餐饮佢加 $8 试完「冻柠乐」仲加 $48 试「白酒」，佢话啱饮。我自己就试加 $8 嘅冻「清新芦荟百香果」，都系好嘅选择。。。（地址：西环坚尼地城卑路乍街22号地舖）@kennedy.cafe#1amfoodie #foodie #hkfoodie #thatfoodiething #food #instafood #globaleats #dessert #foodpics #f