影片
更多
2024-03-02
626 浏览
【中西区】【心满意粥】写嘅呢日系我生日，同大家乞句生日祝福先，感恩一直有各位读者相伴。大家唔需要送嘢畀我，反而想趁呢个机会送返啲嘢畀大家。就系同大家推荐一间我自己好中意食，但一直都有私心唔舍得介绍出嚟嘅粥店，就系呢篇嘅呢间。佢喺坚尼地城卑路乍街，好多巴士都到佢门口，地铁站行过去都系五分钟内嘅事。入到去好光猛、啲嘢好新净，原来系啱啱开张一个月左右。而且感受到店员好有活力，原来系九十后年轻人开嘅，难怪唔少侍应都系后生仔女啦。我同朋友嚟食，我食咗个 $35 嘅「状元及第粥」加配 $6 「艇仔」，粥底靓，粥料生熟度啱啱好，感受到用心制作。朋友食 $35 嘅「生滚鱼腩粥」，我有偷食，鱼腩又系保持到鲜味，劲正，朋友都话呢度嘅生滚粥唔错。而另外我仲叫咗 $6 嘅「咸鸭蛋」送粥，几好嘅。小食叫 $10 嘅「油条」，即系油炸鬼啦，佢哋系每日新鲜即炸，大条得嚟劲脆口劲好食，我个人好推荐。之后𠮶碟 $22 嘅「美味鲜虾肠」都系又鲜又滑嘅，我都觉得味道唔错。一人一枝 $9 嘅「豆浆」，埋单 $132，食咗咁多嘢嚟讲真系唔贵，亦都促使咗我再去食一次。呢次我就自己去，先食 $13 嘅「绵滑白粥」，个粥底系靓嘅，食
佢喺坚尼地城卑路乍街，好多巴士都到佢门口，地铁站行过去都系五分钟内嘅事。入到去好光猛、啲嘢好新净，原来系啱啱开张一个月左右。而且感受到店员好有活力，原来系九十后年轻人开嘅，难怪唔少侍应都系后生仔女啦。
我同朋友嚟食，我食咗个 $35 嘅「状元及第粥」加配 $6 「艇仔」，粥底靓，粥料生熟度啱啱好，感受到用心制作。朋友食 $35 嘅「生滚鱼腩粥」，我有偷食，鱼腩又系保持到鲜味，劲正，朋友都话呢度嘅生滚粥唔错。
而另外我仲叫咗 $6 嘅「咸鸭蛋」送粥，几好嘅。小食叫 $10 嘅「油条」，即系油炸鬼啦，佢哋系每日新鲜即炸，大条得嚟劲脆口劲好食，我个人好推荐。之后𠮶碟 $22 嘅「美味鲜虾肠」都系又鲜又滑嘅，我都觉得味道唔错。
一人一枝 $9 嘅「豆浆」，埋单 $132，食咗咁多嘢嚟讲真系唔贵，亦都促使咗我再去食一次。呢次我就自己去，先食 $13 嘅「绵滑白粥」，个粥底系靓嘅，食嘅过程都系享受。跟住 $10 嘅「牛脷酥」唔会比油条差，又香又脆。
之后食 $21 嘅「蛋黄咸肉粽」，糯米同绿豆好香，好有端午 feel。而上次都想食但忘记咗嘅「黄糖糕」，佢哋卖剩一件，所以系 $5，亦都好正，质感唔会太软或者太实，又唔会太甜，刚刚好。补枝 $9 嘅「豆浆」，埋单 $58 唔贵吖。
喺我心目中一间好嘅餐厅嘅元素其实系好简单，食物、服务、价钱、地点都差唔多概括晒。我觉得坚尼地城呢间「心满意粥」系几样嘢都做到好嘅评价，想趁我生日就介绍畀大家。两餐我都系自费非试食，挞我朵系冇著数嘅。。。
（地址：西环坚尼地城卑路乍街102-114号联友新楼地下A号舖）
#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西区 #西环 #坚尼地城 #心满意粥 #即叫即整肠粉 #生滚粥 #香港美食 #香港本地美食 #广东粥 #中菜餐厅 #状元及第粥 #生滚鱼腩粥 #油条 #油炸鬼 #美味鲜虾肠 #豆浆 #咸鸭蛋 #绵滑白粥 #蛋黄咸肉粽 #牛脷酥 #黄糖糕 #1am1285 #1ambackup
张贴
