餃掂手工餃子雲吞專門店

【中西区】【饺掂手工饺子专门店】早几日同真正哥试咗中环威灵顿街嘅「饺掂」手工饺子，觉得劲好食，于是即刻将呢个信息通知「饺子控」春哥。而呢件事当然系惹来一轮指责，话我做乜唔带佢去，咁好啦，我带埋佢去啦。不过我唔多想翻炒食返同一间，于是就同佢去咗试上环嘅另一间店。不过其实系同一间嘢嚟，连餐牌都一样，坐低就叫嘢食喇。我高度推荐佢哋嘅松茸饺，所以就试 $86 嘅煎「至尊松茸猪肉饺」八只，呢款煎饺都有配「状元九鼎汤」，春哥饮咗都觉得好足料。而饺子方面，松茸味劲香，同新鲜猪肉馅嘅味道非常夹，都好好食。我哋试埋 $58 嘅「香煎软心芝士饺」七只，里面有猪肉、粟米做馅，配合香滑嘅芝士，成件事好邪恶。春哥讲明特别要我同读者提及佢哋煎饺嘅火候相当好，値得推荐。我哋仲试咗两款小食，春哥劲想试嘅系 $26 嘅「麻辣松花皮蛋」，冇令佢失望，相当浓香。而我哋亦都试咗 $32 嘅「日本龙凤蛋」，蛋味浓之余，搭配嘅黑白松露酱亦都好香，正。嘢饮方面，春哥试我推荐嘅「自家制山楂雪梨水」，$20 一杯，佢都觉得好饮。我就试 $20 嘅「蜂蜜柠檬薏米水」，清清哋都好润。夹埋食咗 $242，系值得一试嘅。。。（地址：上环苏杭街