地茂館甜品

营业中

休息中

【九龙城区】【地茂馆甜品】之前同大家讲过呢间喺将军澳嘅分店，𠮶次系好耐之前有个曼联球迷朋友同我去，因为食完嘢唔知有咩搞就谂住去食个糖水咁。点知去到今次，朋友系另一位，都系曼联球迷，巧合地都系食完饭冇嘢做，就走咗去食呢间。未讲完，上次嘅𠮶位朋友，同今次嘅呢位朋友，不约而同地都问吓我有冇食过。因为佢哋知道我应该会把握机会趁机写吓用餐体验，所以最好就去一间我冇写过嘅就一就我。证明呢两位都系好照顾我需要嘅朋友，喺度多谢吓。咁今次呢个用餐体验诚然就唔系将军澳𠮶次当场食完饭揾糖水食咁喇，而系喺旺角完咗啲活动又唔肚饿，咁就行吓路当运动，由旺角行吓行吓就到咗九龙城。佢无啦啦提议去呢间地茂馆食吓糖水，哈哈，感觉好似前功尽废。我就叫咗个 $36 嘅「招牌蛋白杏仁茶」，作为 menu 嘅第一个 item，佢都几润几滑，杏仁味香但系唔算好浓。成碗嘢嘅顺滑感有一部份系归功于蛋白，绵绵哋，滑捋捋，热辣辣咁就慢慢食，咁鬼多叠字查实我就真系无心嘅。朋友食 $34 嘅「合桃露拼芝麻糊」加「芝麻汤圆」，佢话佢近来中意食合桃露㖞，咁嚟得呢啲中式糖水舖，食返啲传统啲嘅中式糖水都系正常嘅。味道上佢都满意，觉得价钱合理。两条友夹