盈苑海鮮酒家

营业中

休息中

【九龙城区】【盈苑海鲜酒家】我成日都讲「欣荣花园购物商场命名比赛」呢个赛事，因为冠军「欣荣商场」呢个名真系改得几好，点都要帮衬吓佢哋嘅食肆。终于被我揾到机会，同春哥嚟试呢度呢间新嘅酒楼「盈苑海鲜酒家」。唔系讲笑，估唔到又几多人食，留得住香港人㖞。我哋先试 $33.8 嘅中点「芋丝炸春卷」同「蚬介鲮鱼球」，两者都热辣辣，啱晒我。跟住到 $35.8 嘅大点「家乡煎薄罉」同「黑金流沙奶黄包」，唔知系咪耐冇饮茶觉得两样都好正。试埋 $36.8 嘅特点「蜂巢芋角」同「即炸大良脆鲜奶」，劲邪恶呀。我哋仲试咗 $39.8 嘅精点「金珠小鸡咸水角」同「一口鲍鱼烧卖」，真系几精致，外观同味道都好好。最后试碟 $68 嘅「椒盐鱿鱼须」，炸到卜卜脆，爽呀。讲到饮茶梗系唔少得杯茶，$10 位嘅茗茶我拣咗「寿眉」，正。食咁多嘢加埋一只系 $418，唔贵㖞。之后先发现原来佢哋晚市必点有个「炭香窑烧鸡套餐」，只系 $238 就包一只窑烧鸡加一款精选小菜，小菜仲有八款可以拣。窑烧鸡系新鲜即做嘅，好吸引。而「脆皮烧鹅皇」、「叉烧」同小菜「冰镇咕噜肉」都好多人介绍，下次嚟食晚市一定试埋呢几款。。。（地址：土瓜湾马头角道3