影片
更多
2024-11-05
87 浏览
召唤浸大人！相信各位浸中嘅朋友对呢间餐厅都唔陌生，佢就系位于岛仔嘅百味阁餐厅。原来唔经唔觉佢都已经30周年，记得小编以前读书嘅时候有时间嘅话，都会过嚟食吓午餐。今次返到嚟估唔到系试佢嘅晚餐！呢间扒房装修古色古香，入面有非常signature嘅彩绘玻璃天窗同非常经典嘅酒吧枱，呢类嘅港式扒房真系买少见少。汤&包扒房必定要食嘅就系佢嘅罗宋汤，呢度嘅罗宋汤非常足料，蔬菜比例占多，蕃茄味比较突出。另外佢哋嘅餐包系用蒜蓉法包，蒜蓉味突出几香浓。两个配埋一齐食，真系经典嘅搭配。味道：7.7/10芝士焗松露馅猪柳扒 $145佢系猪柳上面铺满咗蘑菇同芝士整成嘅菜式，再配上意大利饭。猪扒比较薄，但系口感尚算软腍，唔会干柴。整体嘅味道芝士比较突出，唔多食到蘑菇嘅香味，反而吸满咗酱汁嘅酸味，搭配上比较奇怪。至于意大利饭虽然未去到正宗咁al dente ，但都算有啲口感，软中带硬，味道偏向忌廉，口感Creamy。但配埋猪扒略嫌太腻。味道：7.6/10铁锅爆带子牛扒粒 $160呢个几有惊喜，佢每粒帆立贝都非常大粒，而且唔会有腥味，啖啖肉。至于牛柳粒肉味香浓，肉质软腍，比想像中更好。配上佢嘅青胡椒汁，系几惹味嘅。佢
召唤浸大人！相信各位浸中嘅朋友对呢间餐厅都唔陌生，佢就系位于岛仔嘅百味阁餐厅。原来唔经唔觉佢都已经30周年，记得小编以前读书嘅时候有时间嘅话，都会过嚟食吓午餐。今次返到嚟估唔到系试佢嘅晚餐！呢间扒房装修古色古香，入面有非常signature嘅彩绘玻璃天窗同非常经典嘅酒吧枱，呢类嘅港式扒房真系买少见少。
汤&包
扒房必定要食嘅就系佢嘅罗宋汤，呢度嘅罗宋汤非常足料，蔬菜比例占多，蕃茄味比较突出。另外佢哋嘅餐包系用蒜蓉法包，蒜蓉味突出几香浓。两个配埋一齐食，真系经典嘅搭配。
味道：7.7/10
芝士焗松露馅猪柳扒 $145
佢系猪柳上面铺满咗蘑菇同芝士整成嘅菜式，再配上意大利饭。猪扒比较薄，但系口感尚算软腍，唔会干柴。整体嘅味道芝士比较突出，唔多食到蘑菇嘅香味，反而吸满咗酱汁嘅酸味，搭配上比较奇怪。至于意大利饭虽然未去到正宗咁al dente ，但都算有啲口感，软中带硬，味道偏向忌廉，口感Creamy。但配埋猪扒略嫌太腻。
味道：7.6/10
铁锅爆带子牛扒粒 $160
呢个几有惊喜，佢每粒帆立贝都非常大粒，而且唔会有腥味，啖啖肉。至于牛柳粒肉味香浓，肉质软腍，比想像中更好。配上佢嘅青胡椒汁，系几惹味嘅。佢嘅主食系阔条菠菜面，口感麻麻，纯粹攞嚟填饱肚。
味道：7.7/10
甜品
最后仲会有甜品，系佢哋自家制嘅咖啡炖蛋。呢个甜品系暖嘅，咖啡味几突出，但就偏向咖啡糖𠮶种香甜味道。整体味道系唔错嘅，唯独是配上水果非常奇怪。
味道：7.4/10
环境：8/10
服务：7.4/10
抵食：7.3/10
百味阁餐厅 (九龙塘)
九龙塘联合道320号建新中心地下2-4号舖
#hkig #hkfood #hkeat #hkfoodie #hkfoodlover #香港生活 #香港美食 #香港食评 #食评 #九龙 #九龙美食 #九龙塘 #乐富 #浸会大学 #浸大 #HKBU #大学 #牛扒 #扒房 #旧式扒房 #回忆 #经典 #Steakhouse #steak #dinner #beef #kwoloon #food
张贴
