影片
更多
2023-05-06
215 浏览
【九龙城区】【十八味私房牛肉面】最近唔知系咪红馆又有 show，我就唔多紧贴呢啲资讯嘅，所以都唔知咩事。只见夜晚无啦啦红磡站𠮶边又会突然间超多人，如果唔系演唱会散场，𠮶个位系唔会忽然有咁多人出现吖嘛。所以又有个理由，畀我继续做 1am红馆 系列。我上一段所讲嘅多人，其实多数都系积喺红磡站近尖沙咀东部𠮶边，而我之前亦都讲咗啲𠮶边嘅嘢食。今次就讲吓红磡站另一边，行去红磡区𠮶边嘅嘢食，其实喺𠮶边行返过红馆都唔算远，睇 show 前食个饭，轻轻松松行过去一直都系我推荐嘅方法。今次嚟到呢个位，系喺红磡站行去黄埔花园中间嘅𠮶堆。大家去到会见到附近都准备重建，所以当系睇多几眼呢一带嘅区域都好。而我选择嘅呢一间嘢，以前好似有另一间「十八味功夫麻辣」开喺附近，不过我唔知啦，见呢间好似几好咪入去。以为佢系台湾嘢，入到去其实都几大陆 feel，周围简体字。唔理啦，都系一次半次，叫咗个「综合牛魔皇」配「台湾面」，有牛肋条、牛筋、牛展、金钱肚、卤肥肠。味道上，牛肋条几香牛味，佢呢种整法几出到啲牛味，其他嘢就只属一般料。个所谓嘅慢煮筒骨汤只系一个骨汤底，都食到有啲口渴。侧边嘅配菜有半边劲细嘅卤蛋，冇乜特别，个中华
我上一段所讲嘅多人，其实多数都系积喺红磡站近尖沙咀东部𠮶边，而我之前亦都讲咗啲𠮶边嘅嘢食。今次就讲吓红磡站另一边，行去红磡区𠮶边嘅嘢食，其实喺𠮶边行返过红馆都唔算远，睇 show 前食个饭，轻轻松松行过去一直都系我推荐嘅方法。
今次嚟到呢个位，系喺红磡站行去黄埔花园中间嘅𠮶堆。大家去到会见到附近都准备重建，所以当系睇多几眼呢一带嘅区域都好。而我选择嘅呢一间嘢，以前好似有另一间「十八味功夫麻辣」开喺附近，不过我唔知啦，见呢间好似几好咪入去。
以为佢系台湾嘢，入到去其实都几大陆 feel，周围简体字。唔理啦，都系一次半次，叫咗个「综合牛魔皇」配「台湾面」，有牛肋条、牛筋、牛展、金钱肚、卤肥肠。味道上，牛肋条几香牛味，佢呢种整法几出到啲牛味，其他嘢就只属一般料。
个所谓嘅慢煮筒骨汤只系一个骨汤底，都食到有啲口渴。侧边嘅配菜有半边劲细嘅卤蛋，冇乜特别，个中华沙律都系咁，反而有块哈密瓜做饭后果几得意，我都有食嘅。而嘢饮我加 $12 叫咗个「芋泥仙草奶茶」，得舖甜，冇感觉，夹埋咁就 $100 埋单。
之前说服咗自己，食过一餐都可以出 post，的确缓解咗我唔少金钱上同埋出文上嘅压力，而家都叫仲有几篇喺手可以慢慢出。本来今日想因应传媒报导而出返篇白俄饮食特辑嚟向难民致敬，但系我呢啲饮食帐户无谓搞形式主义，加上我主打本土十八区嘢，唔好离题。。。
（地址：九龙红磡明安街5号黄埔唐楼C座地下110号舖）
张贴
