御品餐廳小廚

营业中

休息中

【九龙城区】【御品餐厅小厨】又系走嚟土瓜湾食嘢，唔系「大量廉价旅行团往港明美食享用两𩠌饭事件」，我都未必无啦啦会咁有动力过嚟呢边食嘢。唔知大家记唔记得有一排我做九龙城同红磡多，之后无啦啦完全冇咗九龙城区嘅 post 咁，都几担心架。不过之后发现原来呢边好鬼多嘢食，写呢篇嘅时候，我仲好招积咁望住啲稿，信心爆棚咁嘅死款。的确比起之前冇稿喺手嘅惨况系好咗好多，写作题材全面咗系令自己压力冇咁大。入到呢间茶记，就坐低叫个「精选特餐」。个餐系 $44 嘅「叉烧米粉」，啲叉烧系「饭戏攻心」讲过𠮶啲「茶餐厅叉烧」，味道真系好一般。配菜「多士」系一片方包烘咗再加啲牛油，麻麻哋。仲有「火腿炒蛋」，冇特色，只蛋偏老。饮「冻柠茶」走甜，正正常常。想散叫个西多，个侍应话不如叫餐啦，𠮶吓有少少突兀，不过是但啦，就叫个 $34 嘅下午茶「西多士」，都系饮「冻柠茶」走甜。个西多都系薄薄哋，糖浆仲要系韩国𠮶只，即刻叫佢换炼奶，任落都好。夹埋 $78，冇下次。。。（地址：土瓜湾土瓜湾道237号益丰大厦B座地下108, 118 & 119号舖）#1amfoodie #foodie #hkfoodie #thatfoodie