爵林米線廚房

营业中

休息中

【九龙城区】【爵林米线厨房】耐唔时都会同前电台同事周马胶食饭，今晚佢嚟到红磡附近揾我，我就梗系想同佢去食好嘢。不过我哋夜得滞去，「生 XX 味」已经闩门，咁就食「景 XX 房」，点知佢已经执咗，就食呢间喺佢个位再开嘅另一间餐厅啦。入到去发现冷气唔多够，同埋啲侍应沟通好似麻麻哋，不过个男侍应几好笑容就由佢。我食个 $74 嘅「海鲜过桥套餐」，有日本带子、鲍鱼片、虾仁、鱼腐、鱼皮饺、鱼片头、蟹柳、炸酱生菜、芽菜、木耳、腐皮等配料。我仲加 $5 转咗鱼面做面底，结果又几清新几唔错，尚算系非油炸嘅好味之选。而呢碗嘢本身唔算突出，但胜在味道够多，好多款嘢食，有啲任食火锅 feel，正。加 $3 饮「冻奶茶」，明明整好都要问先肯攞过嚟，少少失望。周马胶就食 $58 嘅「胡椒猪肚鸡米线」，佢讲嘅版本就话都几好食，咁我见佢个样都好似唔错咁。佢就加 $10 饮「冻柠乐」，呢个就大家都知会系咩味，唔再讲喇。张单夹埋 $150，我觉得我𠮶份都唔算好贵，系环境可以改善。。。（地址：红磡宝其利街73号东禧阁地下A号舖）#1amfoodie #foodie #hkfoodie #thatfoodiething #