阿久根和牛拉麵屋

营业中

休息中

🌖慢煮安格斯牛小排鱼介汤沾面 $138安格斯牛小排表面略为煎过，切开上枱时内里颜色偏红，放入热辣辣鱼介汤略略煮一煮，入口非常软滑；鱼介汤味道偏咸，好彩沾面比较粗身～食沾面真系唔好太贪心，放半条入鱼介汤内已经好够味；食到最后记得同师傅讲加汤，加咗汤饮落真系好舒服好顺喉😌。🌖香煎虎虾浓虾汤拉面 $98一上枱已经闻到煎虾嘅焦香味，饮落虾味浓郁，较沾面幼身嘅拉面🍜挂满香喷喷浓虾汤，钟意食海鲜嘅朋友一定要黎食；虎虾超大只！仲要劲新鲜！配埋龙虾汤简直鲜上加鲜🤩。🌗冲绳苦瓜饺子(四件) $48真系有苦瓜嘅甘味，但又唔算好苦，尝鲜嘅人可以要试吓～🌗墨鱼海胆恋 $58黑色墨鱼丸包住海胆馅，表面略为炸过比较干身而且有少少面粉味。