影片
更多
2021-06-06
189 浏览
先不论食物质素，环境同服务都不合格呢！！1) 可能我好迟先book位，所以获得一个门口走廊位，欣赏唔到任何餐厅的装修布置，因为我唔觉得我有入过个餐厅。2) 坐门口听到入面嘈到好似酒楼咁，所以坐门口反而仲有私人空间。3) 上菜好慢，冇主动帮我地order餐饮，唔紧要啦，自己叫，但order半个钟饮品都未到，7:30食到10:00都唔知有冇见到侍应5分钟，佢地全程服务坐入面的客人，净系上菜收碟见到佢地，想加水都要起身揾人。讲完唔好讲番啲好野，book位要求系dessert 上写生日祝福有做到，甜品都几好味，一人齐就先上面包，同埋每位送左一件蟹肉酥皮挞，慢慢等我地睇menu 先落order。✨卡邦尼意粉 $168～手工意粉专门店，试下所谓正宗唔落忌廉嘅卡邦尼意粉。我相信真系好正宗，好重蛋酱味，冇芝士味，意粉都有口感嘅。配料两片巴马臣芝士薄脆，有烟肉脆片同好肥嘅猪腩仔粒粒。✨5 Course Dinner Set $488其实dinner set 系几抵食，前菜三拣一，意粉二拣一，主菜三拣一，有餐汤甜品餐饮。不过我同我朋友都唔食牛，所以我地决定叫一个set，再加一个意粉。香烤依比亚黑毛猪梅肉片
1) 可能我好迟先book位，所以获得一个门口走廊位，欣赏唔到任何餐厅的装修布置，因为我唔觉得我有入过个餐厅。
2) 坐门口听到入面嘈到好似酒楼咁，所以坐门口反而仲有私人空间。
3) 上菜好慢，冇主动帮我地order餐饮，唔紧要啦，自己叫，但order半个钟饮品都未到，7:30食到10:00都唔知有冇见到侍应5分钟，佢地全程服务坐入面的客人，净系上菜收碟见到佢地，想加水都要起身揾人。
讲完唔好讲番啲好野，book位要求系dessert 上写生日祝福有做到，甜品都几好味，
一人齐就先上面包，同埋每位送左一件蟹肉酥皮挞，慢慢等我地睇menu 先落order。
✨卡邦尼意粉 $168
～手工意粉专门店，试下所谓正宗唔落忌廉嘅卡邦尼意粉。我相信真系好正宗，好重蛋酱味，冇芝士味，意粉都有口感嘅。配料两片巴马臣芝士薄脆，有烟肉脆片同好肥嘅猪腩仔粒粒。
✨5 Course Dinner Set $488
其实dinner set 系几抵食，前菜三拣一，意粉二拣一，主菜三拣一，有餐汤甜品餐饮。不过我同我朋友都唔食牛，所以我地决定叫一个set，再加一个意粉。
香烤依比亚黑毛猪梅肉片，牛油炒椰菜苗，绿胡椒汁
～味道系好食嘅，椰菜苗炒梅头咁嘅味道啰，中餐黎嘅，好有镬气，椰菜苗好脆，猪肉好滑唔似有烤过。
是日餐汤 - 蕃茄浓汤
～好浓好如味，仲食到蕃茄籽。
蕃茄白酒青口手打意粉
～餐厅主打手工意粉，所以对佢充满期待，但冇想像中咁有咬口，软硬都适中嘅。
法国酿无骨春鸡，羊肚菌汁
～有惊喜！！春鸡有两只鸡脾一个去左骨嘅身体，入面仲酿左啲肉馅，皮薄多汁肉滑，有个脆篮装住，个脆篮装饰黎，难食，本身有八分饱，但因为春鸡好好食，都好快食哂。
羊菌汁少少咸，我觉得唔洗点汁都好好食。
是日甜品
有两款拣，拣左tiramisu，个面好厚朱古力粉，都几好食，一个人食哂会腻，二人share刚刚好。
餐饮
跟餐包一杯茶或咖啡
可以半价转其他饮品
✨Mocha $53
价钱贵，但好难饮，应该系我有生之年饮过最贵最难饮的mocha，饮都觉得奇怪，冇咩味，咖啡味都淡，饮到底啲朱古力未溶呀！攞你命三千！
埋单仲要扮好有服务问我食物觉得ok 唔 ok，我唯有直接卑佢睇，你啲朱古力唔溶！佢仲答我会同水吧讲下次注意返，希望真系有得改善啦！
✨Jing earl grey $68
**二人share 一个set 加个意粉刚刚好够饱。**
如果呢个价钱，我唔会拣呢间餐厅。
张贴
