One More Hotpot 來一鍋 (已結業)

团年的确系食中菜比较有气氛，但一年到尾咁多节庆，食来食去都𠮶几款都难免有啲闷。揾到呢间高级少少嘅任食海鲜火锅，每人$368再八五折，除落同街坊酒楼围餐唔差得远，但食材用料明显性价比高好多。一入到嚟见到咁精致典雅嘅装修真系估唔到系火锅店。店内有唔少靛蓝色嘅阔梳化卡位，四个人嚟食坐得舒舒服服。海鲜火锅同$288药膳火锅嘅分别系咩?就系呢盘打卡一流嘅海鲜！一人一只扇贝、青口、鲍鱼、蚝、珍珠蚌、象拔蚌同大虾。样样都又大只又新鲜。呢度比起酒楼好嘅就系服务，店员会教你每样海鲜最好灼几耐同点样起肉，见到客人戴口罩更加主动提供热水热茶。手打肉丸同饺子冇过多嘅调味，食到肉嘅原味。即使唔点任食海鲜都好满足(当然，加少少钱都系海鲜锅抵啲啦~)而任点区都唔系得啲肉丸，一啲比较贵嘅食材，例如花胶、脆鲩腩、羊肉、牛骨髓、豆苗都可以任点。店员会将火锅料放喺枱旁车仔，全餐饭我哋都唔洗劳动，可以一直同屋企人倾计同食嘢。最后仲有心太软做甜品，为呢餐完美作结。