劉興記生煎包專門店

营业中

休息中

【元朗区】【刘兴记生煎包专门店】上次讲到我同经理哥入咗元朗做嘢，由于做嘢嘅时间比较耐，所以都唔止食咗一餐，今次我哋就喺朗屏邨同水边围邨𠮶边食。唔知𠮶边啲人会点形容𠮶个位，不过就系好多嘢食同埋好热闹。喺天桥扶手电梯嘅下面有呢间叫刘兴记嘅餐厅，见佢企理又光猛就试佢。我哋系 share 食嘅，首先试咗 $54 嘅「皇牌S4」套餐，有十二粒「鲜鸡汤小云吞」加两只「生煎包」，小云呑好足料，装到劲大碗，而生煎包就真系食到爆晒汁，劲高质。之后试 $40 四只嘅「上海小笼包」，又系劲多汁喺入面，丰盈饱满，我哋都觉得好正。另外仲试咗碗 $42 嘅「麻酱手撕鸡粉皮」，麻酱劲香，粉皮劲足料，手撕鸡又好味，掂。最后试埋 $28 嘅「手工豆沙窝饼」，一层层皮包住啲豆沙，好味。成餐饭都好爽，仲未够癫，食满 $60，有「豆浆」任饮，我哋饮咗劲多杯，好满足。埋单先 $164，抵。。。（地址：元朗俊贤坊18号权益大楼地下15号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici