樂湖刀削麵

营业中

休息中

【元朗区】【乐湖刀削面】睇得呢度耐或者有留意 story 嘅朋友都会知我耐唔时会入到天水围闲逛，我唔系要揾啲乜嘢抑或想遇上啲乜嘢，因为我嘅过去已经过去，而过去咗嘅嘢亦可能已经离开咗呢个地方，我唔知，亦都唔需要知，知嚟做乜先。感觉呢件事已经变成一个好似信仰咁嘅嘢，有可能呢一刻体会到嘅嘢先叫爱情，问世间情是何物？你问我我问边个，所以我选择活在当下，保持初心就算喇。不过虽然我话似信仰，但系我都唔系喺度炼仙，都系要正常饮食嘅。嚟到新北江，丽江冇开，就嚟咗呢间，坐低叫咗个本身 $49 嘅「双拼刀削面套餐」，我加咗个𩠌所以贵咗十蚊。𠮶三个𩠌我拣咗卤水鸡翼、牛肋丸、鱼腐，全部都系 menu 写话佢哋推介嘅。面底方面我食返刀削面，水准正常。讲吓啲𩠌，卤水鸡翼个汁几香而只鸡翼本身够肥美，几好食。个牛肋丸就有啲普通，不过都唔系差嘅。鱼腐就最好，薄薄哋，有少少甜味咁几得意。碗嘢里面仲有我另外再加 $10 要嘅「温泉蛋」，生熟度拿揑得唔错嘅。嘢饮我要咗杯「冻豆浆」，正正常常嘅质素，冇咩好讲，呢杯五蚊都唔使加，跟餐就有嘅。成餐夹埋用咗 $69，我觉得都唔错，汤底都几香浓而又唔会得铺咸。如果我唔加多款𩠌同埋唔加只