拉麵Jo (已結業)

熟悉拉面嘅朋友相信都知道「二郎系」拉面，佢系由东京的三田「拉面二郎」引伸出来的拉面流派，特色系会以豚骨酱油汤为底，加入蒜泥同背脂，再配上粗拉面、大大份嘅叉烧同堆到山一样高嘅芽菜。不过「二郎系」拉面喺香港唔算太流行，可能因为份量同热量都太多。😂小编净系知道深水埗以前有间，乐富依家都有间专做「二郎系」拉面，但系小编无论日本定香港都冇食过。🙈近排拉面Jo就出咗「二郎系」拉面，好奇嘅小编就走去试下，但利申定小编唔知佢正唔正宗，亦唔知佢系咪相对好食。😂Jo二郎拉面（额外加蒜）$88 （需加一服务费）望落去比想像中大碗，顶部见到有堆炒过嘅蒜蓉，下底有巨量芽菜、适量椰菜、侧边有四大块叉烧，底层系粗拉面同背脂酱油汤。先讲汤底，温度够热，味道以蒜蓉酱油味为主，背脂存在感唔强，系帮助加返啲厚度，所以入口未至于好咸好油。但单讲汤底，小编唔觉好有特色，而且几单调，好快觉厌。好彩佢配咗巨量北海道芽菜同椰菜，两者都好爽脆，配埋汤食会变得清新啲。叉烧有四大嚿，系传统卷埋之后切片𠮶种，每片都几厚下。而且一嚿有肥有瘦，油脂同肉味都有，但其他调味就少啲，主要食返猪嘅肉味。最后讲下佢嘅面条，佢嘅粗度比沾面嘅粗面更粗，食落挺