影片
更多
2024-05-22
228 浏览
身为元朗牛嘅小编近排先知道元朗有间酒吧餐厅系有Live Band 听！不过据闻只限星期日，大约七点九至八点开始。小编知道即刻Book 位嚟试试～入面环境其实几有气氛，灯光偏暗，但到开show 前会开始有射灯，同三五知己嚟坐下、饮下嘢食下嘢、听下歌都几Chill！➡️椰菜花忌廉汤 （餐汤）原来以为系啲马马虎虎嘅罐头忌廉汤加少少椰菜花，点知饮落去好重椰菜花味，但又冇椰菜花阵臭青味，仲有椰菜花未搅烂晒嘅微粒，饮得出真材实料。味道：7/10➡️Pan-seared Foie Gras with Toast $78/1鹅肝多士呢个系晚餐加购，鹅肝有明显香煎过，色泽好靓。入口软腍冇筋，油脂爆发，油香四溢。小编一般都唔食内脏，但佢内脏味唔重，所以都几啱口味。另外鹅肝会配上balsamic glaze同沙律，可以中和油腻，作为前菜认真唔错。味道：8/10➡️Set Dinner ➡️Grilled Spanish 100%1 DUROC Pork Loin with strawberry Gravy $188烤西班牙100%杜洛克黑毛猪扒配士多啤梨烧汁 🐖🍓猪扒因为系杜洛克黑毛猪，一般食橡果、杏果同植物长大，
入面环境其实几有气氛，灯光偏暗，但到开show 前会开始有射灯，同三五知己嚟坐下、饮下嘢食下嘢、听下歌都几Chill！
➡️椰菜花忌廉汤 （餐汤）
原来以为系啲马马虎虎嘅罐头忌廉汤加少少椰菜花，点知饮落去好重椰菜花味，但又冇椰菜花阵臭青味，仲有椰菜花未搅烂晒嘅微粒，饮得出真材实料。
味道：7/10
➡️Pan-seared Foie Gras with Toast $78/1
鹅肝多士
呢个系晚餐加购，鹅肝有明显香煎过，色泽好靓。入口软腍冇筋，油脂爆发，油香四溢。小编一般都唔食内脏，但佢内脏味唔重，所以都几啱口味。另外鹅肝会配上balsamic glaze同沙律，可以中和油腻，作为前菜认真唔错。
味道：8/10
➡️Set Dinner
➡️Grilled Spanish 100%1 DUROC Pork Loin with strawberry Gravy $188
烤西班牙100%杜洛克黑毛猪扒配士多啤梨烧汁 🐖🍓
猪扒因为系杜洛克黑毛猪，一般食橡果、杏果同植物长大，所以唔需要全熟都食得，店员亦系建议七成熟。猪扒嘅肉味明显较浓，肥瘦适中，肉质虽然冇想像中软腍，但都算易切易咬。因为肉本身够靓，所以调味偏简单，轻轻嘅盐同黑椒已经足够。佢仲有个好特别嘅士多啤梨烧汁，增加酸酸甜甜嘅味道，可以解腻。
味道：8/10
➡️法式花椒油封鸭脾 $198
Sichuan Pepperorn Confit Duck Leg 🦆🌶️
鸭髀外皮望落去非常之靓，呈浅啡色，相当吸引。切落脆卜卜，有少少鸭油渗出嚟，不过入面嘅肉质同我想像中好腍好易散嘅油封鸭唔同，佢比较实净。店家另外附上烧汁，会有少少四川花椒香味，但未至于会麻会辣，感觉几有趣。
味道：7.5/10
➡️Long Island Iced Tea $88
长岛冰茶 🍹
经典嘅调酒有Gin、Rum 、Vodka、Tequila 、Triple Sec、Honey、Citrus、Coke沟成。小编少饮酒，唔多识评，对我而言酒味重，但唔会苦，尾段反而甜甜哋，而且有少少汽，饮完都几爽。
味道：7.5/10
➡️Drunken Lemon Tea $90
渣男醉柠茶🍋🍸
估唔到呢到都有手打柠檬茶，佢主打 20 hit 嘅 lime wedge，所以主要都系柠檬味，但入口又有啲gin酒味，酒味唔会太浓几易入口，系一杯比较清新怡人嘅饮品。
味道：8/10
整体小编觉得呢间酒吧餐厅食物都有特色，而且味道唔错，环境亦几有气氛。🫶🏻 虽然喺元朗区佢消费算偏高，但结合环境，尤其是有live band 呢点，约埋班friend一齐饮饱食醉听下歌，都系一个唔错嘅地方～
服务：7.5/10
环境：8.5/10
抵食：7.5/10
15 浏览
0 赞好
0 留言
张贴
