影片
更多
2019-05-24
431 浏览
上次同小小猪嚟海洋公园嚟感受亲亲动物月时(按此重温)，都有留意到开左一间泰式新餐厅，今日就约埋朋友仔嚟叹下新菜式啦~ 6:30pm后就可以免费入园进餐，系乐园门口会有职员带我地经特别通道前往餐厅，大约行十分钟左右就可以嚟到啦！「Ginger Grill 炉炭烧」原先系礼品店嘅一部分，之后就变成为餐厅后。入面环境以大自然园林为主题，木色主调令人觉得好舒服，就好似犹如置身于大自然中。我就最钟意就系佢地座位安排系好宽阔，完全唔会令人有迫迫嘅感觉，真系食都食得畅快啲呀~ 先嚟一杯特色饮品，我依杯无酒精Mocktail「热带激情」单看卖相已有惊喜，有菠萝汁、红莓汁、梳打加上雪碧，绝对啱晒我依个菠萝控呀~ 系送上食物之前，待应哥哥先为我地送上全自家鲜制嘅五款辣酱(传统泰式辣酱、泰式南乳姜辣酱、罗望子酸辣汁、泰式南姜豆酱、特色姜味酱及姜黄薄荷沙律酱)，大至小辣由上而下区分不同级数呀~ 酱汁架上仲附有建议酱汁与肉类嘅配搭，可以令我地更加提升味觉享受~ 先嚟一个「泰式小食拼盘」，入面有斑兰叶包鸡、香茅鱼饼、虾饼、泰式春卷同埋泰式鸡宝，五款小食都非常有水准，尤其是那「斑兰叶包鸡」同埋
6:30pm后就可以免费入园进餐，系乐园门口会有职员带我地经特别通道前往餐厅，大约行十分钟左右就可以嚟到啦！「Ginger Grill 炉炭烧」原先系礼品店嘅一部分，之后就变成为餐厅后。入面环境以大自然园林为主题，木色主调令人觉得好舒服，就好似犹如置身于大自然中。
我就最钟意就系佢地座位安排系好宽阔，完全唔会令人有迫迫嘅感觉，真系食都食得畅快啲呀~
先嚟一杯特色饮品，我依杯无酒精Mocktail「热带激情」单看卖相已有惊喜，有菠萝汁、红莓汁、梳打加上雪碧，绝对啱晒我依个菠萝控呀~
系送上食物之前，待应哥哥先为我地送上全自家鲜制嘅五款辣酱(传统泰式辣酱、泰式南乳姜辣酱、罗望子酸辣汁、泰式南姜豆酱、特色姜味酱及姜黄薄荷沙律酱)，大至小辣由上而下区分不同级数呀~
酱汁架上仲附有建议酱汁与肉类嘅配搭，可以令我地更加提升味觉享受~
先嚟一个「泰式小食拼盘」，入面有斑兰叶包鸡、香茅鱼饼、虾饼、泰式春卷同埋泰式鸡宝，五款小食都非常有水准，尤其是那「斑兰叶包鸡」同埋以新猪肉制成嘅「泰式春卷」就最得我欢心~
「传统泰式沙嗲串」猪牛鸡各两串，经备长炭慢烤，所以更易将肉汁锁于其中，点埋少少沙嗲酱一齐食就更加滋味~
「烧大头虾」我地品尝嘅系斯里兰卡大虾，真系有手掌咁大，而且佢肉质鲜甜又弹牙添~
睇下佢嘅虾膏超厚身呀~
「炸鱼青芒沙律」食泰式菜就一定要食香芒沙律，今次配合原条本地宝石鱼，又真系几特别~
啖啖鱼肉再加上青木瓜同香芒丝，辣辣地又酸酸甜甜超惹味，我都忍唔到口食左几好多呀~
「香茅椰汁鸡汤」有好香浓嘅椰奶香，再带有少少南姜同埋柠檬叶的香，个味好浓郁，真系饮完一碗又想再添多碗~
「泰式烧葵花鸡」依个绝对系嘅重头戏菜式，因为依食佢嘅功夫，因为首先要以秘制香料腌24小时，后以清汤浸泡、再风干1天，上菜时更会燃点鸡身内的香茅枝让其香味再进一步提升~
鸡肉皮脆肉嫩，入口又带点点香茅香，味就真系唔错，而且仲有啲蔬菜伴碟，即刻多左一份健康感呢~
「蜜糖姜汁炖蛋」唔好以为勆只系普通嘅姜汁炖蛋，除左有好浓嘅姜汁之外，仲佢加入左粒粒姜蓉，配合埋香滑炖蛋一齐食，口感更加有层次，绝对系我另一诚意推介之选呀~
相信好多人都会觉得入主题公园食嘢系又贵又唔抵食(我间中都有咁谂嘅)，不过嚟完Ginger Grill之后就打消食个念头，我觉得佢嘅价钱算系合理价，食物质素真心觉得唔错，而且环境都好舒服，系乐园玩左一整日之后，食返个舒舒服服高质嘅晚餐，都系一个好好嘅安排呀！
张贴
