爐炭燒

营业中

休息中

從前每逢來海洋公園，都係玩一整日，再食午餐或晚餐既。最近得知原來海洋公園內嘅「爐炭燒」推出左其他客人亦可直接係園區內食晚餐既安排，簡單黎講去到海洋公園既大門後，到指定櫃位查詢，就會有專人帶到用餐既餐廳，而「爐炭燒」正好係大門旁邊，很方便。對呢個體驗充滿期望，目測其他客人都係以園區客人為主，有種與別不同既感覺。餐廳既裝潢以木色調子為主，有種隨興輕鬆嘅感覺，無論三五知己，或是一家大細，都相當合適。夏日炎炎，先來冰凍既飲料，所點嘅都相當值得打卡，金光閃閃嘅菠蘿內，係無酒精雞尾酒(mocktail)紅莓汁、菠蘿汁、梳打及雪碧，甜甜的，又真係幾好飲，解渴！ 吃泰國菜當然要飲「爐炭燒大蝦酸辣湯」開開胃，相當足料，有原隻大蝦，富輕微既辣香。來到主打炭燒嘅餐廳，當然要試吓炭燒類嘅美食，推薦「炭燒東龍鯛配泰式汁」、「三文魚扒」，上菜時已經聞到好香嘅炭燒味，兩者都烤得火喉剛好，前者魚肉雪白嫰滑而不腥；後者更令人留下好印象，以往吃既三文魚皆較為難控制火喉，呢個又真係有驚喜！麵食方面點咗「泰式大蝦炒金邊粉」，金邊粉炒得夠乾身，亦夠鑊氣，條條分明，分量亦相當足夠。甜品係椰汁千層糕、芒果西米千層糕、香芒糯米飯，甜

環境非常舒適，好乾淨坐得好舒服食物質素非常好份量ok，但白飯就少左D，得半碗，唔好諗社會畢到有一坐山或滿碗，如果男人點要點2碗先夠炭燒豬頸肉$128燒得唔差，呢個每次入OP都會叫白飯$20因為有小朋友，所以會叫串燒肉加碗飯比小朋友泰國船粉$138 （可選金邊粉或河粉）呢個老公話好食，又係十次有8次都會叫佢雜薯拼盤$108呢個應該係新野嚟，之前唔覺有，都係諗住試下炸得唔錯，唔會淋，好脆口，芝士醬整得幾好，芝士味濃仲有D脆嘅碎煙肉，佢係有3款唔同嘅薯，係哈迪斯，M記同KFC嘅組合😂薯圈薯條同薯格，當然爐炭燒好食好多啦，佢嘅薯條唔係M記果款嘅幼薯條嚟，份量都多，都值得叫嚟食嘅全年票有85折再用埋30蚊卷$338埋單，抵食

海洋公園入面一間性價比高嘅餐廳，環境很好，對比園區入面其他餐廳比較，我覺得價錢ok，食物ok，坐得好舒服嘅一間。價錢唔會太貴，每次帶小朋友入黎都會食呢一。間同會叫佢嘅炭燒豬頸肉食，因為即叫即燒，肉嘅質素唔會好差，呢個係喺餐牌嘅燒烤類入面會搵到

就快又到萬聖節，相信大家都同意海洋公園的萬聖節活動是最貼題同好玩，真係夠癲同嚇餐死，但又令人欲罷不能。早前生日入過去一次（因為免費嘛），見已經初具規模。近日同朋友再走了一轉，有部分大型場景已佈置好。在園中已經有“黑白無常”在園中穿梭往來，跟園遊客互動。又有小型攤位遊戲，送上貼紙、糖果及園中優惠券，而幾大場景區亦已經蠢蠢欲動，氣氛滿滿。晚上就選來了Ginger Grill食泰國菜。說到底，餐廳價格以主題公園而言是合理的。餐前先來一杯甜美芳香的“翻天覆地”，賣相又幾攪鬼。其實泰式沙律真係好啱心意，尤其是加入了新鮮柚子肉，令口感不會太乾身，這個泰式柚子沙律（$108）仲要加上了車厘茄，不錯。泰國菜當然有串燒，雞與豬各三串（$138），烤得啱啱好，邊位沒太多焦香，肉質亦不覺乾及嚡口，沙嗲醬亦顧及大眾口味，沒有辣度，但個人覺得有少少辣會更加刺激味蕾。至於香煎三文魚扒（$248）真係好大塊，而且明刀明槍，毫無花巧，兩邊煎至微微焦香，但中間肉質呈艷麗色彩，質地粉嫩，好有slow cook的感覺。泰菜中有好多款湯都啱我，這個炭燒大蝦酸辣湯（$138），有兩隻偌大的虎蝦，最欣賞是背位預先割開，並把蝦腸取

帶住bb想搵間餐廳坐下食d野就近見到呢間有bb highchair就入去職員態度超級友善今時今日好難有咁好既餐廳職員好感謝佢地想email讚揚餐廳職員可惜搵唔到佢既facebk page希望公司會喺到睇到啦

一家太細去海洋公園， 諗住食餐好既再去玩。入黎食野就預左貴，但無諗過質素同價錢唔成正比！三文魚腥既， 燒雞無味肉又un, 菠蘿炒飯太濕，食落d米係cheap 野.炸蝦餅仲勁，翻叮的， 炸皮都咬唔開…小朋友全部都咬唔到。咁standard 既炸物都處理得咁差…真係有d 過份.唯一好d 既係醬汁， 三文魚既介辣汁同豬頸肉既汁都唔錯！最離譜係跟餐加左個白飯… 所有餸都上哂但白飯都唔黎！ 要追兩次先有…我肯比錢但你都要比返d 質素我架…埋單$1133

5月的天氣已經開始好熱🥵由開園玩到下午已經好鬼攰正想離開海洋公園之際見到餐廳呢個下午茶餐牌真係要嘩嘩聲🤪🤪🤪16:00-18:00 $48 泰式輕食小食拼盤 包一杯飲品，嘩….. 見到咁鬼抵，無理由唔試，即刻入去坐抵嘆冷氣4款小食除咗沙律無乜味，其他都好掂👍🏻特別係蝦餅，好彈牙😍😍飲品可以選奶茶、檸茶、汽水或果汁出面小食亭是但一款小食都唔止$48，仲要無冷氣🥵🥵所以真心覺得餐廳好佛心🤣🤣🤣

這是我第一次生日免費遊樂園其實之前進公園園區一直讓我很困擾的是餐飲的問題園區內99%的餐廳我都食過了全部都是比外面的大X樂、大快X還要差只有M記沒差其實在上回離開園區的時候我已經發現「爐炭燒」這家餐廳如果有機會再來要來試吓所以今次我特意來這裡午餐看完餐牌我決定要午市套餐價格比較合理餐廳環境優美我被安排到靠窗位置可以一邊用餐一邊看到園景餐廳服務態度好我叫的套餐有⋯冷盤：泰式青木瓜沙律評論：醬汁很差、而且是辣的又沒有標示出來餐湯：香茅蕃茄湯評論：湯沒有湯渣 感覺似即冲出來的主食：炭燒美國西冷扒（8安士）評論：好食的、肉的質素好、唯一可惜的是原來我要求五成熟上來的是十成熟甜品：椰汁千層糕評論：普通正常總結 ：這價格在園區吃過牛扒也是園區內比較好的選擇

與小王子漫游星空後，可到爐炭燒寫意享受「小王子星空游歷之旅」拼盤，體驗不一樣的傳統泰式風味，精選推介鹹點有焗素蟹餅伴日式芥末醬、迷你洋蔥煙肉撻、燒豬頸肉串、柚子沙律伴烤雞粒；而精美甜點有椰青麻糬波及芒果糯米飯，是你的必吃之選！價錢$188加一。總價$206.8。個人最喜愛系芒果糯米飯。入口清新。美味。

講到食物，我個腦海裡就浮起“來份炭燒啖啖肉”的畫面啦！今次來到海洋公園內的Ginger Grill爐炭燒，我嘅味蕾絕對係有一個暢遊嘅。首先，炭燒海鮮真係做得掂👍，個三文魚扒外皮燒得啱啱好，啖啖都新鮮肥美，炭火嗆香咁鎖住咗晒個汁水！夠哂滋味！講到串燒，泰式沙嗲🍢真係啖啖肉，嗰個豬頸肉配上辣椒汁更加係香辣得嚟唔會蓋過肉香，真係好夾🔥！點餐時又有啲驚喜，個柚子沙律同埋泰式小食嘅香脆炸物都好夠味，酥脆得嚟唔油膩。湯方面，大蝦酸辣湯那種恰到好處的酸辣平衡得宜，喺這炭火氣息下更顯提神。飲完湯，啲青咖喱雞又係另一番滋味，咖喱香濃得嚟唔死辣，啱晒唔太能夠食辣嘅朋友。至於泰式船麵，嗰個湯底濃郁，配上值得一讚嘅脆皮🥩，真係一絕！最後，個酥皮焗香芒糯米飯真係正中下懷😋，糯米飯Q彈，香芒甜美，環境又舒服，真係食得開心又滿足。呢度絕對係我會再推薦俾朋友嚟探秘嘅一站！

上個月第一次光顧，已經同屋企人講，絕對可以再翻黎食，相隔一個月，又再黎，今次嘅味道依然咁好食😋屋企人讚不絕口！最令我們大人小朋友都嘩嘩聲嘅係隻🔥燒雞🔥原隻插住咁擺盤😂😂雞皮燒得好好食，肉嫩多汁，一定要叫🔥跟住金邊粉😋蝦味濃，又炒得夠乾身，好正。跟住個紅咖哩🍛超野味❤️送飯一流！而個炒通菜係超有鑊氣，估唔到👍仲有串燒~蝦餅~甜品🍧樣樣掂。埋單因為有全年fun 入場券，所以有85折「折後$11xx」，呢餐係主題公園內享受晚餐，真係好好，又好味，又有優惠，地方又好，食完行一小段路，就可以行翻落去停車場攞車，真係好推介俾一家幾口黎玩嘅人👍👍

海洋公園嘅海龍王＆企鵝餐廳都試過，今次想試吓其他餐廳，八月尾嘅時候入黎海洋公園，主要係同小朋友黎玩夏水禮，所以冇專登搭纜車上去半山。玩完下水禮就決定喺呢邊食嘢，今次揀咗呢間餐廳，食物質素好高，串燒即叫即燒，好香好好味😋兒童餐小朋友好快就食晒，而且叫兒童餐會有代幣，可以小朋友去扭蛋機拎玩具🧸好開心😁香茅椰汁雞湯金邊粉，都好正😊推介🍜我哋份兒童餐升級左，有Häagen-Dazs雪糕&一份甜品🍧餐廳卡位都坐得好闊落，而且而家有全年紛入場券會有折扣優惠👍我下次入園玩會再光顧😆

 海洋公園對自己而言，雖然未至於童年回憶，但的確留下不少開心日子，所以只要有空，都會入去逛逛，尤其是如果係海龍皇餐廳或爐炭燒食晚飯，係下午6點已經可以免費入場，足夠時間行下香港大街，又或者去大魚缸睇下魚，晚上更有光影滙演，有車人士，仲可以有兩小時免費泊車，真係超方便，加上有地鐵，係金鐘搭一個站已經到，如果仲有人話去海洋公園好遠，其實佢真係好OUT！今次都係較早時間入場睇下，夠鐘就去《 Ginger Grill 》。天氣實在太熱，一坐低就先來一杯［三檸特飲］。說穿了，其實是以檸檬、青檸及鹹檸檬加雪碧，鹹甜夾雜，又夠凍，爽！餐廳近日推出了「泰式風情」 雙人晚餐，供應時間由下午五時至晚上八時三十分。其實感覺上，山下的餐廳比山上的較便宜，好似今次個套餐，單頭$398，加埋一就$440，如果兩個人就仲抵食，兩位不過$680，連加一計落不用$400，個人覺得相當划算。ASSORTED PLATTER 雜錦拼盤SUGAR CANE WITH SHRIMP,DEEP FRIED CHICKEN IN PANDANG LEAVES AND PORK SATAY SKEWER（黃金蔗蝦、班蘭葉包雞及泰式豬

疫情過後的海洋公園人流明顯回升了不少，很多遊樂設施也需要大排長龍；而在炎炎夏日中新加入的水世界及夢幻泡泡派絕對更是一個消暑及親子的好去處，但別忘記多帶一套替換的衣服呀。喜歡動物的，定必要逛新加入的狐獴館，那又儍又Cute的模樣有夠吸引，可惜只可眼看但手勿動，而巨型的超大魚缸又是另一打卡熱點！入園晚飯；6時後更可獲免費入場，現在日長夜短，趁天仍未暗而溫度已稍降，可爭取時間先玩番轉；繼而還可欣賞精彩的燈光Show，計落是非常划算。遊玩過後、汗流浹背，替換衣物後便即時去餐廳晚飯；甫進內，目光便被這支「彩虹水鎗」所吸引，小朋友見到定必要點，喝罷還可拿回家繼續玩。先來杯「三檸特飲」($88)解解暑(雪碧溝檸檬、青檸及鹹檸檬)，冰凍醒神、極度解渴！這個「泰式風情」雙人晩餐(由下午五時至晚上八時三十分供應)，雙人 HK$680/單人 HK$398，內容豐富且超值，二人份平均也不用四百元一位，更可慳番張入場券，一個字 - 抵！套餐的第一度菜是「雜錦拼盤」，內有爽彈的⻩金蔗蝦、鮮嫩的班蘭葉包雞 及惹味的泰式豬肉沙嗲串。這味「傳統泰式肉碎湯」加入了大量蔬菜、肉碎及粉絲，味道清甜，蔬菜鮮嫰，簡單美味。主菜是

香港海洋公園有很多新奇的景點，玩了一整天，難免又累又餓。於是來到人工湖旁邊的餐廳爐炭燒 Ginger Grill，品嚐「泰式風情」雙人晚餐。Ginger Grill 的「泰式風情」雙人晚餐，內容十分豐富。包括雜錦拼盤、湯、炭燒主菜兩份、咖哩、甜品，以及飲品兩杯。當中，飲品方面推薦「三檸特飲」。用上檸檬、青檸、咸檸，配上雪碧製成，清新的味道，怡人醒神，最適合這個炎熱的夏天。「雜錦拼盤」有黃金蔗蝦、斑蘭葉包雞、泰式豬肉沙嗲串。用惹味香口的泰式小吃，為晚餐展開序幕。「傳統泰式肉碎湯」是一個以豬肉碎、粉絲、雜菜，以及泰式香料煮成的湯。味道酸尾尾，十分開胃。主菜是最吸引我們的部分。燒美國西冷，以及燒三文魚扒，兩者都很吸引。肉厚的西冷啖啖肉，外焦內嫩。三文魚扒亦烤得剛剛好，入口滑而不乾身。「咖哩海鮮配農夫包」亦是我們另一心頭好。泰式黃咖啡香而不辣，跟海鮮粒挺搭的。不過最令人驚喜的是傳來陣陣焦香的農夫包。外層微脆，內裡煙韌，很好吃。而「泰式炒椰菜苗」夠爽口，蒜蓉香氣突出。而且這碟菜的份量蠻大的，毫不吝惜。最後的「甜品拼盤」是芒果糯米飯、斑蘭糕和水果。Ginger Grill 的「泰式風情」雙人晚餐，