六小館

入亚博睇姜涛演唱会前，先同朋友去东涌站东荟城既「六小馆」饮茶，预先为体力叉电！餐厅装潢非常雅致同阔落，玻璃窗位置仲有好靓嘅开扬山景，见到环境已经首先心心眼～餐厅主打新派粤菜，食物质素唔单止好，仲非常有心思！✢ 本地温室蕃茄浓汤和牛汤米＄108汤底浓郁并带有蕃茄嘅清甜同微酸味，米粉煮得软硬适中，和牛软嫩仲有好多片，加埋好足料嘅粒粒蕃茄，非常推荐劲开胃！✢ 红米鲜虾带子肠粉 ＄ 72肠粉就食得多，但系用红米做嘅肠粉就真系第一次试。红米皮裹住炸得香脆可口嘅大虾，特别又好味，钟意食肠粉嘅一定要试吓！✢ 鱼子带子烧卖＄62呢款点心非常矜贵，大大粒带子放喺烧卖上边，仲用咗鱼子一齐蒸，将烧卖嘅层次升华。✢ 咸水角＄52以绿色趣致啤梨造型登场咸水角，味道亦相当唔错，外皮仲非常脆。如果同小朋友一齐食嘅话，相信一定吸引到佢哋试～✢ 紫薯南瓜粿＄52最后食埋甜品紫薯南瓜粿，造型相当有趣，紫薯馅好香而且唔会过甜，大满足！钟意食有质素点心同中菜嘅朋友，真系要试吓！