影片
更多
2023-04-26
1420 浏览
之前嚟过呢度食 Fine Dining, 一直都念念不忘, 今次再拣咗呢间餐厅同男朋友庆祝纪念日♡餐厅以现代优雅风格为主, 座位舒适, 装潢别致, 而且食物质素非常高👍🏻, 整个用餐体验非常难忘！在浪漫嘅情调同氛围下度过特别日子, 留下美好嘅回忆！绝对系高级二人浪漫晚餐之选💗🥖餐前小吃 - 自家制面包自家制面包有芝士脆片、法包及香草蕃茄包, 配上自家制杏脯牛油🧈𓌉◯𓇋⸝⸝ 波尔多牛肉他他牛肉他他口感柔嫩, 略带甘甜, 配上法国鹌鹑蛋、惹味嘅松露酱, 舌头吃出两者融和嘅甘美。伴以黑鱼子, 咸鲜兼具, 惊喜十足！𓌉◯𓇋⸝⸝ 鹅肝冻记住准备定手机🤳🏻！店员端上枱时, 烟雾弥漫嘅效果充满仙气, 打卡一流！鹅肝冻质感幼滑, 带有淡淡嘅烟熏味, 令味道更有层次感。面层系麝香啫喱, 晶莹剔透又清凉, 可中和香浓鹅肝冻, 旁边亦伴上竹炭脆片同田园沙律🥗𓌉◯𓇋⸝⸝ 牛肚菌忌廉汤｜羊肚菌清汤先品尝羊肚菌嘅鲜味, 再将清汤、杏黄菌、黑皮鸡枞菌加入牛肚菌忌廉汤内, 令忌廉汤味道更加浓郁, 每一啖都好creamy, 黑松露味香浓, 味道层次丰富～𓌉◯𓇋⸝⸝ 脆炸天使阿根廷红虾巧妙地用炸米粉卷著红虾🦐, 以三文鱼
餐厅以现代优雅风格为主, 座位舒适, 装潢别致, 而且食物质素非常高👍🏻, 整个用餐体验非常难忘！在浪漫嘅情调同氛围下度过特别日子, 留下美好嘅回忆！绝对系高级二人浪漫晚餐之选💗
🥖餐前小吃 - 自家制面包
自家制面包有芝士脆片、法包及香草蕃茄包, 配上自家制杏脯牛油🧈
𓌉◯𓇋⸝⸝ 波尔多牛肉他他牛肉他他口感柔嫩, 略带甘甜, 配上法国鹌鹑蛋、惹味嘅松露酱, 舌头吃出两者融和嘅甘美。伴以黑鱼子, 咸鲜兼具, 惊喜十足！
𓌉◯𓇋⸝⸝ 鹅肝冻
记住准备定手机🤳🏻！店员端上枱时, 烟雾弥漫嘅效果充满仙气, 打卡一流！鹅肝冻质感幼滑, 带有淡淡嘅烟熏味, 令味道更有层次感。面层系麝香啫喱, 晶莹剔透又清凉, 可中和香浓鹅肝冻, 旁边亦伴上竹炭脆片同田园沙律🥗
𓌉◯𓇋⸝⸝ 牛肚菌忌廉汤｜羊肚菌清汤
先品尝羊肚菌嘅鲜味, 再将清汤、杏黄菌、黑皮鸡枞菌加入牛肚菌忌廉汤内, 令忌廉汤味道更加浓郁, 每一啖都好creamy, 黑松露味香浓, 味道层次丰富～
𓌉◯𓇋⸝⸝ 脆炸天使阿根廷红虾
巧妙地用炸米粉卷著红虾🦐, 以三文鱼籽同caviar点缀, 配上parmesan cheese同椰菜花mousse, 红虾肉质鲜甜爽弹, 口感细致鲜美
𓌉◯𓇋⸝⸝ 香煎油封鸭｜布里芝士暖泡沫
一打开玻璃盖就有梦幻嘅烟雾弥漫着, 系视觉同味觉双重享受！油封鸭以苹果木烟熏, 外皮脆口, 肉质鲜嫩够腍, 带咸香
🫧 热情果雪葩｜红石榴泡沫热情果果味清新微酸, 配上红石榴泡沫, 清一清味蕾, 准备品尝主菜～
𓌉◯𓇋⸝⸝ 慢煮龙虾扇贝卷
卖相精致, 龙虾肉同扇贝质感细致弹牙, 保留到龙虾肉嘅原汁原味, 西洋菜忌廉清汤带出食材嘅鲜甜, 配上黑鱼子, 带出咸香味道, 鲜香浓郁, 每一口都令人回味！
𓌉◯𓇋⸝⸝ 慢煮BBQ猪柳
以慢煮方式烹调, 所以肉质特别嫩滑, 带出猪柳极上鲜味！再以BBQ酱、烤红甜椒酱、陈年黑醋调味, 猪柳色泽粉嫩, 肉质鲜嫩, 啖啖肉, 呢道菜式有惊喜！
最后奉上非常精致嘅 petit four, 为完美一餐画上句点。甜品上枱时以干冰制造出烟雾效果, 好适合打卡呢！另外仲有法式焦糖豆腐炖蛋🍮, 炖蛋加入豆腐同姜汁, 配合一层薄薄嘅焦糖, 入口有蛋香味同云喱拿籽嘅香味, 带淡淡豆香, 香甜软滑, 蛋香嘅滋味令人无法抗拒！
张贴
