米炊 (K11購物藝術館) (已搬遷) 新店位置

上年年尾一家人去完大阪返嚟，预咗喺香港食乜日本嘢都唔会返翻去日本水准。不过今日衫八心血来潮，想出老尖行街。所以最后拣咗K11 2楼呢间米炊，因为上Openrice睇过食相，卖相ok，见日式咖哩同蛋包饭，于是就试佢一试。因阿仔平时食开Coco Curry，所以唔惊唔啱佢食。3个人每人order一款。我大胃王当然点西冷咖哩蛋包只，阿仔食鸡排，夫人叫了鱼。先讲西冷，够淋够Juicy，卖相靓仔，收$17x叫对得住个价钱。而个旋风蛋就觉得唔够滑，咖哩偏浓，没有好与唔好，个个人口味不一。但我会钟意水汪汪啲，同少咸一点。而菜式整体热度可再上升一个档次，用餐体验会更好（no offense）。鸡同鱼就唔讲，正常发挥。反而两杯嘢饮有啲惊喜，Suntory白啤够冻，有跟国际标准雪埋只杯👍而提子梳打连冰都加咗干花，视觉享受。