嘆甜品

营业中

休息中

【北区】【叹甜品】旧同事复姓哥搬咗去北区，揾佢食嘢就梗系喺返北区揾，唔使烦。知道粉岭联和墟新开咗间餐厅，有嘢食得嚟，甜品仲几高质，就梗系夹埋佢去试。先试 $30 五只嘅 「BBQ蜜糖鸡翼」，肥美得嚟好味，得㖞。跟住试埋 $32 嘅「港式怀旧咖喱三宝」，足料。佢有烧卖、鱼蛋各四粒加四件猪皮，好够食，复姓哥甚至觉得佢哋咖喱好正。跟住试 $49 嘅「小鸡拼盘」，有炸鸡软骨、盐酥鸡粒、香脆玉米片鸡块，配合原味椒盐味道，好邪恶。食咗啲小食已经饱饱哋，所以我哋就直接试佢哋嘅甜品，始终本身系甜品店。必试嘅系 $65 嘅「榛子朱古力石板街窝夫」，配球朱古力雪糕喺面，画龙点睛，好好味，窝夫本身劲香，配搭埋啲材料真系好似食紧 Rocky Road 雪糕咁。跟住复姓哥试 $36 嘅「西瓜西米露」，系鲜西瓜汁底做，加 $6 加埋三色芋圆，成件事就完满晒，好食嘅。我就试 $28 嘅「大小团圆」，有三粒芝麻汤圆加小丸子，清得嚟口感几丰富。嘢饮方面，我试 $33 嘅「Oreo 曲奇奶昔」少甜少冰，佢试 $35 嘅「雪糕曲奇奶昔」，两杯都系邪恶肥仔水，好饮。呢一餐又食嘢，又食甜品，又饮嘢，埋单 $314，差不多啦。。