英發茶餐廳

营业中

休息中

【北区】【英发茶餐厅】上次喺北区嘅 post 我讲到自己被冠以「茶记 Foodie」嘅称号，不过𠮶次虽然系茶餐厅牌头，但系其实系讲醉鸡锅，有留心睇嘅读者又可以有多一个选择。有时我都想做到少少就系可以有啲私心，益吓啲真系忠实啲嘅读者。可惜嘅系今次可能大家会有少少失望，因为呢间茶记只属非常一般嘅充饥之选。有人问过我，点解我介绍嘅餐厅唔系间间好食，首先我冇推荐啲普通嘅餐厅，其次就系奖励返啲会睇字嘅读者，第三系人生梗系有起有跌有伏。咁嚟到上水呢间嘢嘅状态系被人呃咗入嚟上水话食嘢，但最后冇嘢食，所以系带住个嬲嬲哋嘅情绪嚟呢度食个「西式下午茶餐」，茶记食乜好？梗系西多士。叫个 $39 嘅「法兰西多士」，好正常嘅水准，系有夹花生酱𠮶只。个餐跟嘢饮，我大洒金钱，用咗 $3 要「冻柠茶」走甜，都系合理嘅味道，冇意见。埋单 $42 冇嘢好讲，真系好普通嘅一间茶记。食咗件西多士餐又冇乜可能就咁出 post，隔咗一排就二访咗佢，不过下昼去，又系食下午茶。今次就因为之后又系有饭局，所以唔想食太饱，叫咗个 $41 嘅「火腿奄列配各式多士半件」，问定阿姐，个多士系牛油多士嚟，味道普通。而件火腿奄烈只蛋就偏老，唔太吸