英發茶餐廳

营业中

休息中

今天在上水做完義工一行七人就去了附近一間茶餐廳下午茶 , 因今天天氣超熱所以我們第一時間我們點了5 杯紅豆冰 🧋我哋都驚一般紅豆冰是非常甜的 😅但飲後感覺不會太甜但啲紅豆又好淋 👍然後叫了豬扒包、奶油包 , 個包我們各人都很喜歡不一樣的包 💯😋也叫了西多、奶油多士、炸雞翼都非常好味👍😋最後還叫了一碟乾炒牛河及咖哩牛腩焗飯 , 個乾炒牛河好有鑊氣牛肉好味👍個咖哩牛腩焗飯 , 牛腩好淋👍咖哩味道也很滿💯 茶餐廳來說一般只會有部分食物比較好啲 , 但此店我覺得大部分的食物都有超水準 💪💪💪

【北區】【英發茶餐廳】上次喺北區嘅 post 我講到自己被冠以「茶記 Foodie」嘅稱號，不過嗰次雖然係茶餐廳牌頭，但係其實係講醉雞鍋，有留心睇嘅讀者又可以有多一個選擇。有時我都想做到少少就係可以有啲私心，益吓啲真係忠實啲嘅讀者。可惜嘅係今次可能大家會有少少失望，因為呢間茶記只屬非常一般嘅充飢之選。有人問過我，點解我介紹嘅餐廳唔係間間好食，首先我冇推薦啲普通嘅餐廳，其次就係獎勵返啲會睇字嘅讀者，第三係人生梗係有起有跌有伏。咁嚟到上水呢間嘢嘅狀態係被人呃咗入嚟上水話食嘢，但最後冇嘢食，所以係帶住個嬲嬲哋嘅情緒嚟呢度食個「西式下午茶餐」，茶記食乜好？梗係西多士。叫個 $39 嘅「法蘭西多士」，好正常嘅水準，係有夾花生醬嗰隻。個餐跟嘢飲，我大灑金錢，用咗 $3 要「凍檸茶」走甜，都係合理嘅味道，冇意見。埋單 $42 冇嘢好講，真係好普通嘅一間茶記。食咗件西多士餐又冇乜可能就咁出 post，隔咗一排就二訪咗佢，不過下晝去，又係食下午茶。今次就因為之後又係有飯局，所以唔想食太飽，叫咗個 $41 嘅「火腿奄列配各式多士半件」，問定阿姐，個多士係牛油多士嚟，味道普通。而件火腿奄烈隻蛋就偏老，唔太吸

逢親去上水做嘢，我都會去英發茶餐廳都食飯，今日叫咗個福建炒飯。去過呢間餐廳咁多次，除咗福建炒飯之外，我食過佢嘅乾炒牛河、西炒飯等等，基本上係炒嘢，都炒得唔錯。茶餐廳當然你唔期望佢俾啲乜嘢好靚嘅材料你，但係佢鑊氣充足，炒出來嘅嘢味道都唔錯，附近冇咩特別好嘢食都可以一試。

今朝同朋友相約入沙頭角行紅花嶺，又名麻雀嶺，係新界北部最高既一座山峰，位於打鼓嶺以東、沙頭角以西，海拔492米。紅花嶺的北麓屬於香港邊境禁區範圍，禁區啲餐廳入唔到所以就係上水食個早餐打底先! 就腳入左英發，記得以前中學陸運會都係食佢! 好有童年回憶，姐姐們超有禮貌，先幫我哋量體溫後帶位，岩岩好坐到4個人。港式，西式早餐咁多款選擇我就揀左雪菜肉絲霸王花米粉，荷包蛋，腸仔，同牛油吐司既姐合。 中意個粉攣攣地好索味，腸仔有煎過唔係 hea 烚，飲埋杯熱檸茶醒醒神就出發啦!!!

今日去食個午餐：蒸鯇魚，上碟果時見到變左蒸魚頭，反應：唔係路啊！第一次食蒸一舊無肉既魚頭。 黎食魚骨係唔錯既選擇！不過我唔會再黎，味道唔掂，服務又差，連杯凍0荼都好似變左味。。。

每次食完嘢，都會好似寫日記甘寫反食評，但就見到食評全部好差，但我今日去食又唔係覺得甘差！適合大眾化。入到門口，每個伙記都好有禮貌，再睇下餐牌，食物種類都好多，見到有🐠🐟魚的套餐，吳使唸，食魚🐟🐟🐟😂😂😂😂好彩叫得快，我係最後一個食到蒸魚套餐😬價錢適中，魚🐟夠滑，需然條魚🐟較細，但就有兩條，份量都👌，魚肉味道鮮甜，配以冬菜蒸幾惹妹😋😋蒸魚套餐——-配例湯➕白反➕飲品✌️✌️例湯——-味道夠甜，亦無味精😊檸檬🍋茶夠濃夠味⋯⋯⋯⋯⋯⋯😬😬仲有好多款式，禮貌又好，食物不太差，可以再去食其他嘢😋

朝早出上水，諗緊食咩早餐之際，記得『英發』環境乾淨，坐得幾舒服，於是入去食早餐。早餐選擇都算多，不過價錢似乎偏貴🤔我地叫左B餐、C餐，配腸仔、煎蛋、多士、凍檸茶。榨菜肉絲米粉好大碗！榨菜份量都好多，不過太咸，相反米粉同湯完全無味，加上呢隻米粉質地太淋，無乜口感⋯⋯沙嗲牛肉麵都係大大碗，麵質都係太淋，可能煮嘅時間耐左，或者唔係出前一丁😓牛肉味濃，口感ok。最後呢碟腸仔、煎蛋、多士都好一般，腸仔多皮似烘乾左，好乾身，味道正常；煎蛋好好；多士擺到淋曬⋯⋯整體黎講，價錢偏高食物一般只有環境方面做得比較好。

簡單嘅雲吞河都可以整得好難食， 雲吞唔係雲吞，係水餃。仲要餡少皮厚。河粉碎濕濕，夾都夾唔到。大門常開外面食煙煙味攻入嚟，仲要餐廳裏面充斥著賭馬嘅人，勁嘈粗口橫飛，侍應態度惡劣，超級唔推薦

去上水順便食早餐，咁早得茶餐廳，呢間就近，入去係普通茶餐廳格局，餐牌除一般港式早餐，仲有潮式粉麵，店員爽手落單！食物好快到！雲吞河（$36）河粉幾滑，雲吞係豬肉木耳馬蹄餡，味道唔錯，肉唔乾，馬蹄同木耳爽口！但包得太實，皮正常唔算薄！湯底偏淡！ok!熱檸茶：幾大杯，夠熱茶底唔澀！幾好！朋友食：魚蛋河：因為唔夠魚蛋，變咗雙丸（店員有通知朋友同意先轉）肉丁煎蛋沙爹牛肉麵：沙爹牛米凍啡走甜凍檸茶店員爽手，一見食晒就收碟！食物正常，但價錢偏貴！

不知所謂的餐廳。一朝早走去食早餐，等左4個字先有得食唔怪佢，重要見你一個人坐卡位叫你轉黎轉去。單又唔識幫你轉，重要提返佢轉頭發悔氣話返你。D食物又唔好食。叫左沙爹牛肉通粉D通粉少到不知所謂。重之係垃圾中的垃圾

今日去上水匯豐，於是貪就腳選擇了英發，雖然價錢略貴，但今時今日上水鋪租都5平，要生存必然要開源節流甘話。之前都食過幾次，雖然有次杯凍奶茶苦過24味，但食物都叫做“還可以接受”，點知今次點佐個炒面就嚇親我了，嘩！上次杯凍奶茶懷疑倒錯茶膽啫，唔通呢個炒面都落錯鹽膽！？否則我絕對有理由相信，整到甘鹹，係想我飲多碗例湯！！！

下午和明愛的人燒烤，燒完後，便前往上水找東西吃，經過一輪選擇後，媽媽話來這間，我說沒所謂，因為早幾年前我返教會必定來這兒吃早餐，我貪這兒的早餐有菜吃。我們叫了一個灼生菜、一個黑椒牛柳炒烏冬，跟例湯及一杯熱檸水。但不知是否太耐沒來吃了，真是退步的好緊要，灼生菜是臭的，好苦，而黑椒牛柳炒烏冬好多油，非常不健康，我吃完後都成口油呀！怎吃呀！只有是熱檸水是正常的！下次絕不再來！

第一次黎呢度開飯 , 事關肥瓜平時返工會叫外賣都係叫呢間 , 話晏晝野食唔錯 , 所以今晚黎試下佢ge晚餐。行入去有卡位坐 , 坐低睇食乜 , d野食都幾貴 (茶餐廳黎講)。落單ge時候個啊姐可以寫寫下去左幫隔離台落單lor (隔離台疑似係熟客)真係搞笑 ...結果叫左 :芝士焗雞扒意粉$35 + 餐飲可樂 + 西蘭花什菌炒斑片 + 凍檸茶 $3先上例牌味精湯一個 , 飲左2啖已極為口渴 ...肥瓜的西蘭花先到 , 賣相吸引 , 不過食落好似有味精 ...而我ge意粉好耐先上 ...有2大塊雞扒 , 煎得好脆好好食 , 但個意粉係用淡忌廉芝士煮成 , 味道淡了一點 , 過得去啦。應該唔會特登再返黎食 ...

新近搬到上水,就去呢度開餐.....叫左個"芙蓉蛋飯"+凍茶.....唉一上檯飯面冇豉油已經唔係好色水(原來加左係底,即係佢加完豉油先上蛋,真怪)....第一啖食落口,d蛋一d味都冇....食多幾啖.....大獲!!!!d鹽成舊舊咁!!!!咸到苦!!!!原來都未"撈暈"最最最最憎就係,有個清潔阿姐攞住支地拖係咁隊,係咁隊(縮腳都冇聲).........成陣漂白水味!!!!!大佬仲邊有胃口食呀!!!!!仲要成35蚊埋單.........

星期三個晚...阿哥約左我係上水食飯!!!佢揀左e間茶餐廳!!!一入到去...就覺得好少人!!記得以前間野好多人去食...依家就勁少!!!一入到去..好快就有位坐啦!!!阿哥叫左個炒貴刁..我就叫左個西檸雞..d雞肉炸到ok脆!!皮脆肉滑....幾好!!但就係佢d西檸汁唔夠...變左好似只係食緊炸雞肉!!我地2個人都飲凍檸賓!!!埋單價...$98 / 2後期我先知..我個碟西檸雞..佢當我係小菜$40唔怪得咁貴啦...仲要係未加野飲錢!!