叄瘋 (已結業)

【南区】【叁疯】我今次嚟到鸭脷洲，冇乜 idea 想食乜，见到呢间 cafe 就入咗去食。见到佢写住「叁疯」，但我一直都写佢做「叁疯」，我唔知边个写法先系啱，定系只系繁体字同简体字嘅分别。不过唔理啦，都系当佢系个「三」字咁处理。佢呢度系要买咗嘢食先揾位坐嘅，不过我去𠮶阵唔知，所以都耽误咗一阵先叫嘢食。我就叫咗个 $118 嘅「全日早餐」，佢有牛油果、烟三文鱼、香草猪肉肠、烟肉、炒蛋、酸种吐司面包、新鲜沙律喺里面嘅。味道上，佢就唔算好突出，个炒蛋啲葱花有少少抢，令到本身蛋味都唔重嘅炒蛋更加显得一般。而个酸种吐司面包系我由蒜蓉法包转配嘅，因为佢哋本身有酸种吐司餐，所以转嚟食吓佢。食落都唔错，我觉得系可以接受嘅。嘢饮方面我拣咗 $45 嘅「冷萃咖啡」，即系 Cold Brew，而个价钱本身系 $60，跟餐正价减 $15。讲到以冷萃方式降低酸度，突出花香同甜感，风格比较清爽咁，我饮就觉得还好啦。埋单价系 $163，我就未必会有下次喇。。。（地址：鸭脷洲鸭脷洲大街132号合时大楼地下F号舖）#1amfoodie #foodie #hkfoodie #thatfoodiething #hkfood