東海堂 (青衣城1)

营业中

休息中

我想试呢个系列嘅蛋糕好耐架喇，寻日唔觉意有机会试咗，真系超开心！多谢家姐嘅朋友！呢个蛋糕细细个，卖相又特别，连个名都得意过人，叫「cake little」！而呢个就系柠檬味。宣传相「冲绳香柠cake little」系咁样嘅，参考图片同实物都脗合嘅，几好。整个蛋糕，最吸引我嘅就系最上面黄色部分。等我切开佢睇下里面有咩先！蛋糕以白色及黄色相间设计，上２层嘅黄色是柠檬啫喱，根据介绍所高，系用咗由日本直送嘅冲绳香柠制作而成，入口滑而带微酸，又充满果香；而中间嘅白色夹层呢，一层系忌廉，一层系香柠慕丝，酸酸的；还有一层则是加入咗细腻幼滑嘅乳酪整成嘅乳酪软心；最下面嘅２层就系海绵蛋糕，成个蛋糕食起嚟，味道夹之余，口感亦松软；柠檬嘅酸与忌廉嘅甜交错著，为味蕾带来清新又刺激的感觉。在场有份食嘅每一个人对呢个蛋糕都有好高评价，真系值得买嚟食下！而呢个cake little系列蛋糕，除咗有柠檬味，仲有菠萝、红石榴同埋白桃呢几种味，真系好夏天 feel，我对其他几款都有兴趣～～今个夏天生日嘅朋友不妨买嚟试下啦！