掌壽司 (已結業)

▫️碎葱吞拿鱼茸海胆最中饼呢个最中饼真系几有创意、特色，从来无谂过刺身可以咁样配搭，用个花型既脆脆饼夹住，唔洗食重淀粉质既寿司饭之余，又可以令海胆同吞拿鱼茸提供到另一种口感，入面仲加左少少三文鱼籽同埋紫苏叶，提升左整个味道。▫️芝士鳗鱼卷一啖摆入口，好浓郁既芝士味，幸好中间夹左丝丝青瓜，刚好可以中和芝士既油腻感▫️油甘鱼刺身& 日本活赤贝一款林身既刺身加埋一款爽口既刺身，系夹既，食落又有鲜味，并唔系d雪左好耐既刺身▫️烧帆立贝 &烧牛舌大大只连壳装住d酱汁一齐上，牛舌好厚身又一d都唔难咬，咬入去仲有d汁渗出黎，总括d烧物唔会烧到太干身呀▫️大葱鸡肉串大葱成为左亮点，佢一层层都沾了酱汁，食落去成粒都好juicy▫️滑蛋吉列猪柳饭唔好谂住系好普通既滑蛋饭，厨师好有花思处理个sauce，又有少少酸酸地既味道弹出黎，令到你唔会饱饱滞滞咁，旁边洒上脆脆片，去到最后一道菜，仲可以提起番个食欲真系唔容易，我地竟然仲可以清哂成碟饭，平凡之中带点不平凡。最后仲有芝麻雪糕同埋姜汁豆腐雪糕，两只味道都好浓郁，但我好钟意姜汁豆腐呀，少见d，有记忆点。