吉祥冰室 (已結業)

疫情肆虐，好多餐厅都唔开堂食。今日入朗屏做嘢撞正下午茶时间，梗系要tea一tea😼一直向朗屏地铁站方向，去到贤坊街市，见到间冰室都几多街坊等紧外卖就入去试下。绿色门面加上小黄圆灯，我估系装修无耐。坐低就感受到同一般茶记唔同。张凳系湖水绿嘅中式鼓凳，上面印有我钟意嘅花花。啲牙签筒同辣椒盒都好讲究，牙签筒好似古玩咁，至于辣椒盒就直情系青花瓷印花，总之好古色古香( ´ ▽ ` )ﾉ从欧洲返黎成半年，好耐冇食港式炒意粉🍝，于是就嗌𠮶海鲜黑椒炒意粉。热辣辣唔洗几分钟就上菜，效率好高！意粉上面糁咗啲白芝麻，搅匀佢黎食黑椒味好我食到最后一条都唔会死咸，唔觉得口渴！依点非常抵赞👍所以去到最后先一次过饮晒杯热柠水🍋同埋通常茶记因为要快手快脚，有时候食材会有切得唔均衡情况出现。呢碟意粉又唔会，红椒、青葱同洋葱都切得非常细条，所以捞埋韧劲啱啱好嘅意粉食非常好味食完就走先留意到卡位上面有「知足常乐」四字，今日好感恩揾到堂食呀～～*绿色皮椅无端端谂起王家卫嘅花样年华里面梁朝伟同张曼玉面对面锯扒嘅情景 ヾ(*´∇`)ﾉ