椰小盅燉湯專門店 (太古城中心)

营业中

休息中

呢轮嘅生活习惯都系午餐食好啲，晚餐就简单啲清淡啲～由于工作地点近，间中都会去呢间饮下汤食午餐，因为佢地系我少有觉得连食物都好高质嘅炖汤专门店～$119有炖汤 + 𩠌饭 + 油菜 + 饮品 + 红豆仙草。今次试咗新出嘅搪瓷素汤，入面有玉米，粟子，红萝卜，赤小豆，无花果，腰果等等，好足料不加味精，绝对真货真价实！而饭又系劲惊喜，之前食过鸡扒饭已经觉得劲好食，今次叫咗烧味饭，有叉烧同烧腩仔都劲高质，前者够肉汁同嫰，肥瘦适宜，后者大大块，皮仲劲脆。所以话，一间餐厅有用心去煮同用心去采购，客人食落口系会感受到嘅跟餐甜品系红豆仙草，质素比美糖水铺出品，最后我饮品拣咗酸梅汤，消暑生津解渴，正