大美督嘉年華燒烤

营业中

休息中

【大埔区】【大美督嘉年华烧烤】公司搅烧嘢食，都痴孖筋嘅，走到去大尾笃呢啲山旮旯地方搅，等巴士、等小巴都等到日以继夜、夜以继日，唔知浪费咗几多罐午餐肉。好彩我死痴住啲有车阶级嘅同事，全靠平时阿谀奉承做到足，先可以舒舒服服咁去呀。入场盖个印仔喺手臂度先，呢啲任食烧烤场老奉系咁架喇。吸完印就同阿姐攞两张嘢饮券，去门口士多换嘢饮，不过都系得啲汽水同啲无酒精罐装饮品，啤酒系要另外畀钱买，唔可以用券加钱换，咁我就饮冠益堂生榨椰汁啰。然后就到啲嘢食，选择都算多嘅，肉类、丸类、农作物等等加埋嘅种类都多到唔可能每样都食到最少一件，太多。公司拣咗「重庆烧烤炉」，instead of 港式同韩式，都冇所谓嘅，呢种长方形网烧好似仲方便过用烧烤叉。而烧嘢食我一向冇乜胃口，烧啲肉、食啲豆卜、烧啲面包就已经谢晒皮，参观吓个场地有咩设施。原来仲有蒙古包可以入去凉冷气食嘢，又有儿童充气弹床畀啲童军玩「Scout 弹弹」。闻说每位好似收二百零蚊，差不多啦。。。（地址：大埔汀角路17-29地段136-148号地舖）#1amfoodie #foodie #hkfoodie #hkfood #food #foodporn #i