竺扶大班燒味

营业中

休息中

【大埔区】【竺扶大班烧味】呢间系好临时临急食，本身想约嘅朋友有事，我又预咗时间无谓放弃，所以揾咗道歉哥陪我食。其实都明白嘅，有时人生都系有好多嘢唔系自己能够控制得到。好似呢餐我系喺屯门飞的入去食，尽力而为而无愧于心就可以。呢间烧味餐厅原来仲有小菜食，听侍应讲先知出咗冇耐咋㖞，咁就一定要试吓喇。我拣咗 $88 嘅「菠萝咕噜肉」嚟试，味道都可以，茶记嚟讲唔失礼。始终，呢道菜系会令我谂起女同事，配埋个「白饭」都好快食晒，冇得剩。咁始终嚟到呢度系烧味餐厅嚟，除咗向女同事致敬就当然要试埋烧味。叫咗 $70 嘅「黯然销魂鸳鸯饭」，佢系有「半肥瘦叉烧」同「冰烧凤凰鸡」加「煎双蛋」，拣咗「太阳蛋」嚟食，配埋「大将烧肉汁」同埋「凤凰辣汁」嘅。味道上，个半肥瘦叉好正，个鸡就相形见绌，始终可能都系想食返切鸡或者油鸡𠮶啲。啲汁酱同双蛋都可以，唔差嘅。嘢饮两杯系各加 $5 嘅「冻奶茶」同「冻柠茶走甜」，送埋「例汤」，两位埋单价 $168，咁多嘢唔算过份。。。（地址：大埔安泰路1号大埔广场地下61-62号舖）@chukfotaipanrestaurant#1amfoodie #foodie #hkfoodie #