影片
更多
2024-12-22
1056 浏览
餐厅以高底闻名，咁啱圣诞节仲遇到大大棵圣诞树，环境气氛同服务都好好，而且餐点价钱唔贵，$500就食齐前菜、主菜、甜品同饮品，喺靓靓环境下慢慢坐，系庆祝圣诞嘅好地方。🌖川辣西瓜沙律 $108新奇配搭梗系要试下！川辣味道源自于酱汁，酱汁淋喺西瓜表面，味道唔会太刺激，而且西瓜多汁爽甜，令辣味更加温和更易入口；其中两件西瓜由爽脆青瓜包住，多左一份清新嘅感觉之余，口感上亦更具层次。🌖原只烤猪手 $218猪手好大只，绝对足够二人食用！上碟时已经切咗件，方便食用～猪手表面烤到脆卜卜，油份唔会太多，反而骨胶原嘅感觉更为强烈。猪手以外仲有西兰花🥦、甘笋、车厘茄、粟米等蔬菜，配菜可选薯条、薯蓉、薯仔沙律、忌廉焗薯等，一碟已经好饱肚。🌖特色木化石朱古力饼 $78蛋糕嘅朱古力味几浓郁，但又唔会太甜太腻。蛋糕面头嘅树皮系朱古力，造型细致，表面有条条木纹，口感特别，入口唔会即刻融化，反而真系有种树皮嘅口感，系份几特别甜品。🌖Orange Tonic Espresso $55🌖Strawberry Lemonade $55饮品味道味道唔假，仲饮到Strawberry Lemonade有粒粒士多啤梨籽； Orange
餐厅以高底闻名，咁啱圣诞节仲遇到大大棵圣诞树，环境气氛同服务都好好，而且餐点价钱唔贵，$500就食齐前菜、主菜、甜品同饮品，喺靓靓环境下慢慢坐，系庆祝圣诞嘅好地方。
🌖川辣西瓜沙律 $108
新奇配搭梗系要试下！川辣味道源自于酱汁，酱汁淋喺西瓜表面，味道唔会太刺激，而且西瓜多汁爽甜，令辣味更加温和更易入口；其中两件西瓜由爽脆青瓜包住，多左一份清新嘅感觉之余，口感上亦更具层次。
🌖原只烤猪手 $218
猪手好大只，绝对足够二人食用！上碟时已经切咗件，方便食用～猪手表面烤到脆卜卜，油份唔会太多，反而骨胶原嘅感觉更为强烈。猪手以外仲有西兰花🥦、甘笋、车厘茄、粟米等蔬菜，配菜可选薯条、薯蓉、薯仔沙律、忌廉焗薯等，一碟已经好饱肚。
🌖特色木化石朱古力饼 $78
蛋糕嘅朱古力味几浓郁，但又唔会太甜太腻。蛋糕面头嘅树皮系朱古力，造型细致，表面有条条木纹，口感特别，入口唔会即刻融化，反而真系有种树皮嘅口感，系份几特别甜品。
🌖Orange Tonic Espresso $55
🌖Strawberry Lemonade $55
饮品味道味道唔假，仲饮到Strawberry Lemonade有粒粒士多啤梨籽； Orange Tonic Expresso分层明显啱晒打卡，味道方面都有惊喜，咖啡唔会太苦，同淡淡橙味非常夹，沟梳打水感觉清爽，同平时一般加奶嘅咖啡感觉非常不同。
张贴
