皇庭匯 (已結業)

家人揾到呢间抵食嘅酒楼，我地食个晚系星期六，如果系平日，仲有一个抵食套餐，希望有机会去食然后介绍番。7点几到未算多人，环境宽敞，近8点开始人流多。好多选择，我地人唔多，叫四个𩠌都好够饱。先系手快有手慢无嘅冬瓜盅，88元好大个，啱哂夏天叫黎食，清甜解渴，有啖汤水饮下，几好，味道偏浓，但可以接受。小炒皇，韮菜虾米虾仁腰果鱿鱼炒成，几够镬气，配饭系一流。广岛蚝，家人喜欢食，正常味道，98元还不错。突然好想食伊面，好大碟，我地4个有突，可以有10碗，呢碟要108元。呢条清蒸海班都系28元！超值，肉算嫩，4个人每人都食到好多。我地仲叫左甜品布甸同香芋，只系口痕，普通啲，可以唔叫。每人大概百三元，算系咁。