金船長餐廳 (已結業)

自从上次过开嚟大角咀揾好嘢食，再约朋友过黎啦，今次系西餐。（劲唔好意思，迟大到）7点几8点都几乎满座，店细细，坐都几舒服嘅，可以倾到计。酒嘅价钱唔算贵，可惜今次马马地，都系下次先。佢有set dinner可以拣，不过同朋友最后都系单点，set dinner麻麻地想食。餐牌上都多选择，饮品个页都令人期待，有白牛黑牛呢啲特色饮品。我系超爱黑松露嘅，呢款真系要点，有哂我最爱嘅黑松露同埋芝士。初初好难想像两种浓味嘢点放埋一齐，原来系夹到。原味就咁咬，先系黑松露阵味跑出黎，后嚟芝士味都出黎，各有千秋。再点佢自家制提子果醋，平衡番个种浓味嘅刺激，好fresh嘅感觉。黑松露炸薯条，不用多说，正，厚薯，啱哂送酒！呑拿鱼田园沙律，开一开个胃，淡淡嘅呑拿鱼加新鲜嘅菜，可以有清一清嘅作用。介绍番系佢嘅自选意大利粉，好似车仔面咁点，有唔同嘅面底，我拣左忌廉汁两种芝士加鸡丝。忌廉汁系出奇地滑，唔结，汁够，芝士味道好味。呢种食法好有趣，当然佢都有配好嘅，等你唔驶烦。饮品叫咗抹茶红豆，味道够，而且料多，食左咁多芝士黑松露，饮一啖可以再嚟过。朱古力，够浓，好少何有餐厅可以重啲。