何車車仔麵 (界限街) (已結業)

系太子想揾啲易食嘅嘢，谂起粉面类，一揾见到呢间好似唔错就去啦。铺好细，座位得7个，满座店员要企系出边。本来系想食面，但见到有下午茶就叫下午茶。（懒得谂，又可以试其他）佢有4款下午茶，好耐无食过牛肉饭，仲有关东煮，呢个组合好吸引，$40。牛肉饭上枱个刻我吓亲，比我想像中大好多，比吉x家还要多（我仲停留系好耐之前）。牛肉唔错，小肥，洋葱唔会太熟，爽口。系个饭湿小小，但系可以接受关东煮劲多，萝卜够哂淋，其他配料都唔错，汤算清。鲜虾云吞，$15三粒，好脆，偏细料比例多，味道可以。我几欣赏佢播嘅歌，纯音乐却有种唔系香港嘅感觉，不过我又想像唔到边度。