影片
更多
2024-08-22
344 浏览
住将军澳嘅我平时都会去海滨食饭，今次同大家介绍一间多国风味餐厅。呢间餐厅主打唔同国家嘅特色美食，无论你钟意泰国菜、西式、土耳其什至中菜，呢度都可以满足到你。———————————————🌟泰式柚子沙律 $120呢个泰式柚子沙律份量十足，尤其系柚子肉真系好多，配埋新鲜弹牙嘅虾，成个沙律既清新又有丰富口感。加上酸酸甜甜嘅泰式酱汁，非常开胃。另外面头仲加有花生，令到口感更丰富。🌟和牛面颊宽条面 $180呢个和牛面颊宽条面真系无得输，牛肉超级腍身，牛味浓郁，一食落去已经感受到𠮶阵浓厚嘅肉香，完全满足肉食者嘅味蕾。宽条面烟韧有嚼劲，吸晒牛肉嘅汁同香味，每一啖都系享受。🌟羊肉卷饼 $120呢个土耳其Kebab都非常之有风味，可以自选三款酱料，我就拣咗鲜薄荷酱、千岛酱同火热辣椒酱。三款酱一齐食，味道真系完美融合，尤其系辣椒酱，辣得嚟唔过火，仲带出羊肉嘅香味，真心推介！另外不得不说佢好好食嘅地方系佢块皮，烤得啱啱好非常之香，同时调味都好特别，会带少少甜味，食落感觉非常香甜。🌟Cookies cream奶昔 $68奶昔味道浓郁，曲奇加上奶香，真系甜到入心。🔸整体食评🔸Bacaba嘅多国风味真系做得出色，
住将军澳嘅我平时都会去海滨食饭，今次同大家介绍一间多国风味餐厅。呢间餐厅主打唔同国家嘅特色美食，无论你钟意泰国菜、西式、土耳其什至中菜，呢度都可以满足到你。
———————————————
🌟泰式柚子沙律 $120
呢个泰式柚子沙律份量十足，尤其系柚子肉真系好多，配埋新鲜弹牙嘅虾，成个沙律既清新又有丰富口感。加上酸酸甜甜嘅泰式酱汁，非常开胃。另外面头仲加有花生，令到口感更丰富。
🌟和牛面颊宽条面 $180
呢个和牛面颊宽条面真系无得输，牛肉超级腍身，牛味浓郁，一食落去已经感受到𠮶阵浓厚嘅肉香，完全满足肉食者嘅味蕾。宽条面烟韧有嚼劲，吸晒牛肉嘅汁同香味，每一啖都系享受。
🌟羊肉卷饼 $120
呢个土耳其Kebab都非常之有风味，可以自选三款酱料，我就拣咗鲜薄荷酱、千岛酱同火热辣椒酱。三款酱一齐食，味道真系完美融合，尤其系辣椒酱，辣得嚟唔过火，仲带出羊肉嘅香味，真心推介！另外不得不说佢好好食嘅地方系佢块皮，烤得啱啱好非常之香，同时调味都好特别，会带少少甜味，食落感觉非常香甜。
🌟Cookies cream奶昔 $68
奶昔味道浓郁，曲奇加上奶香，真系甜到入心。
🔸整体食评🔸
Bacaba嘅多国风味真系做得出色，无论系泰式、和牛定地中海口味，每一样都令人满意。我仲见到佢餐牌仲有中式炒饭，真系有超多款菜式，大家如果同唔同国家文化嘅朋友聚会都可以选择呢间餐厅啊！
张贴
