大一海鮮火鍋料理 (已搬遷) 新店位置

朋友生日想打边炉，揾黎呢间试试佢，某几款汤用openrice coupon有半价。店内宽敞，唔会逼，当晚帮衬散客唔多，但系VIP房几乎都有人。（就咁观察，私隐度都几高，门会常关）装修融入中日风格，有周围都系日本清酒樽，亦有中国流水式嘅风水摆设。上图可以见有独立嘅VIP房，而散座有卡位同圆枱。价钱系单点边炉中稍为高啲，希望一分钱一分货啦先系酱料，选择唔多，我地觉得麻酱好淡味，其他亦算一般。汤底系金汤腿翅锅，汤味好够浓，金腿嘅味出哂黎，翅够入味，而且份量唔算少。而加嘅汤用上汤，记得系加上汤前尽饮原汤，毕竟味道会唔一样。安格斯牛肥膏分布唔错，好有口感，有水准。野生竹笙好大条，亦够爽口。四宝饺馅够多，记得煮耐小小。猪肉够簿，味道唔错。墨鱼滑份量好多，够咬口，好味。甜品叫咗椰子雪葩同埋蕃薯雪榚，两者都好特别，味道都ok。