Tipsy Tap (已結業)

今次介绍一间算系比较隐世嘅小酒吧比大家，作为一个唔太饮啤酒嘅人都觉得佢啲啤酒真系好唔错，而且食物方面一啲都唔马虎，大家收工想揾地方饮下啤酒都可以嚟呢边。———————————————🌟芝士烟肉安格斯牛肉堡 $148汉堡都几大份而且牛肉好Juicy，牛肉中间仲系半生熟可以见到粉嫩嘅牛肉，牛肉食落味道都重，入面仲有烟肉、芝士、酸失、蕃茄同生菜，咬落好丰富。薯条热辣辣炸起，我地仲加钱要咗个黑松露酱，味道都即刻升华唔少😍🌟酒浆炸鱼薯条 $138炸皮炸得好香脆同时唔会太厚，中间嘅鱼柳味道ok，份量都唔少，加上少少柠檬汁同塔塔酱味道更正。🌟芝士蟹肉酿蘑菇 $78呢个小食出面比较少食到，芝士味好香浓，蘑菇上面可以见到有蟹肉，放入口时好香，3种材料放埋一齐味道都好夹。🌟焗田螺配薯泥荷兰酱 $88田螺本身食落都好香而且弹牙，但反而我最惊喜系薯泥果部份，食落好香同时口感好绵滑，同平时食开果种薯蓉唔太一样。🌟Apple $108 420ml呢只浓度其实好低只有3.5%，饮落超易入口，味道带有苹果香同时又有酸又有甜味，好钟意佢其中一个地方系甜酸度平衡得好好，唔会令人觉得偏咗去其中一边，非常适合女仔饮。