影片
更多
2022-12-08
517 浏览
曾经系尖沙咀出名买衫圣地加连威老道，有一间开业接近一年嘅日式居酒屋，门口虽然比较朴实低调，但入到去里面装横好有日本嘅氛围，播住充满节拍嘅歌，充满气氛。居酒屋主打日式串烧、全部即叫即烧，另外仲有烧酒啤酒🍻，主打嚟自冲绳嘅Orion啤酒，劲适合一大班朋友聚会Chill 下，食下串烧，同埋饮啤酒。当日同朋友点咗以下食物：蒜烧日本广岛蚝生蚝用上日本直送广岛蚝，蚝肉新鲜，上枱时仲热辣辣，烧生蚝表面充满蒜香，好惹味，蚝肉多肉够鲜甜，另外仲有蚝水保留喺壳度，够哂鲜美。川酒舍炸饭团手工饭团系川酒舍主食其中一样主打，制作步骤繁复，见到师傅用心处理，绝对系心机嘢同诚意之作。送上枱时觉得外表好靓，而饭团炸到外层好香脆焦香，饭粒充满紫菜味同埋日本酱汁味，表面放上咗日本生鸡蛋，捞匀嚟食，令到饭团充满蛋香，味道更加多层次。惹味京葱豚肉串师傅烧得啱啱好，锁住豚肉既肉汁，豚肉用上咗半肥瘦，烧完之后食得出脂肪嘅香，豚肉质感嫩滑软身，配埋京葱一齐食，好香口，钟意食京葱既朋友千祈唔好错过。免治鸡肉棒串日本居酒屋受欢迎嘅串烧之一，免治鸡肉棒烧至外面微焦香脆，内里鸡肉爽嫩多汁，食落啖啖肉同好有咬口，配上搅匀嘅日本生鸡蛋黄嚟食，
曾经系尖沙咀出名买衫圣地加连威老道，有一间开业接近一年嘅日式居酒屋，门口虽然比较朴实低调，但入到去里面装横好有日本嘅氛围，播住充满节拍嘅歌，充满气氛。居酒屋主打日式串烧、全部即叫即烧，另外仲有烧酒啤酒🍻，主打嚟自冲绳嘅Orion啤酒，劲适合一大班朋友聚会Chill 下，食下串烧，同埋饮啤酒。当日同朋友点咗以下食物：
蒜烧日本广岛蚝
生蚝用上日本直送广岛蚝，蚝肉新鲜，上枱时仲热辣辣，烧生蚝表面充满蒜香，好惹味，蚝肉多肉够鲜甜，另外仲有蚝水保留喺壳度，够哂鲜美。
川酒舍炸饭团
手工饭团系川酒舍主食其中一样主打，制作步骤繁复，见到师傅用心处理，绝对系心机嘢同诚意之作。送上枱时觉得外表好靓，而饭团炸到外层好香脆焦香，饭粒充满紫菜味同埋日本酱汁味，表面放上咗日本生鸡蛋，捞匀嚟食，令到饭团充满蛋香，味道更加多层次。
惹味京葱豚肉串
师傅烧得啱啱好，锁住豚肉既肉汁，豚肉用上咗半肥瘦，烧完之后食得出脂肪嘅香，豚肉质感嫩滑软身，配埋京葱一齐食，好香口，钟意食京葱既朋友千祈唔好错过。
免治鸡肉棒串
日本居酒屋受欢迎嘅串烧之一，免治鸡肉棒烧至外面微焦香脆，内里鸡肉爽嫩多汁，食落啖啖肉同好有咬口，配上搅匀嘅日本生鸡蛋黄嚟食，口感滑溜兼带有香浓蛋香。
汁烧鸡肉串
川酒舍嘅鸡肉串烧全部用上日本鸡肉，鸡肉肉质鲜嫩，好惹味。
汁烧鸡肾
鸡肾有弹牙同嚼劲嘅口感，师傅将佢汁烧再洒上一啲盐味，食落好惹味，啱晒钟意食烧内脏嘅朋友。
盐烧鸡皮
鸡皮烧得非常香脆，香脆嘅外皮，加上皮下脂肪部位都烧成有咬口，加上盐粒嘅调味好正，好似食紧薯片咁，食落唔会有油腻感。
汁烧鸡胸脆骨
坊间比较少见嘅串烧，亦都系佢哋拿手嘅串烧，食落口感同好似鸡软骨咁脆，鸡胸骨亦带有少少鸡肉，有软骨咬下又有肉食，超有口感。
秘烧七里香
如果食串烧想食得刁钻啲，可以选择七里香，七里香就系鸡嘅屁股，特别多肉，烧出嚟香浓惹味，带有肉汁。
盐烧鸡中翼
鸡中翼相当肥美大只，咬落啖啖肉，鸡皮脆口味浓，肉嫩有肉汁。
惹味鸡肝串
鸡肝外面烧至带焦，内裹带有又黏又软嘅独特口感，外脆内软，肝味醇厚，食落非常甘香。
惹味鸡心串
鸡心好鲜嫩，口感方面带有弹性，食落带有油脂香，香浓入味。
鲜鱼汤煮娃娃菜
娃娃菜够新鲜，味道本身略带甜美，同鲜鱼汤嘅鲜味几配合，再加上菇，口感唔错。
饮品
张贴
