川酒舍 (嘉威大廈) (已結業)

今次再幫襯，已經轉咗型做居酒屋形式🍶，由於得我一個人食🥢食唔到太多野😂😂唯有每一類都叫D嚟試，試晒雞、牛、豬、海鮮、飯類(事後先發覺冇叫蔬菜類嚟試🫢)我就叫咗🐮燒厚切牛舌串、🐥免治雞肉棒、燒日本雞心串、🐷燒日日黑豚腩串、🐠燒白鱔串、🍙燒明太子飯糰，大致上都OK👌🏻不過明太子飯糰可能同我相像中好大出入，我自然幻想到會好似出面飯糰食到明太子一粒粒有咬感，但整完出嚟好似同普通飯糰咁冇乜特別，以為自己食緊一舊白飯+飯焦咁…而白膳串我係特別欣賞，仲叫多串嚟食呢個真係冇得輸如果menu出返有七里香串同牛髓骨就very good

曾經係尖沙咀出名買衫聖地加連威老道，有一間開業接近一年嘅日式居酒屋，門口雖然比較樸實低調，但入到去裏面裝橫好有日本嘅氛圍，播住充滿節拍嘅歌，充滿氣氛。居酒屋主打日式串燒、全部即叫即燒，另外仲有燒酒啤酒🍻，主打嚟自沖繩嘅Orion啤酒，勁適合一大班朋友聚會Chill 下，食下串燒，同埋飲啤酒。當日同朋友點咗以下食物：蒜燒日本廣島蠔生蠔用上日本直送廣島蠔，蠔肉新鮮，上枱時仲熱辣辣，燒生蠔表面充滿蒜香，好惹味，蠔肉多肉夠鮮甜，另外仲有蠔水保留喺殼度，夠哂鮮美。川酒舍炸飯糰手工飯糰係川酒舍主食其中一樣主打，製作步驟繁複，見到師傅用心處理，絕對係心機嘢同誠意之作。送上枱時覺得外表好靚，而飯糰炸到外層好香脆焦香，飯粒充滿紫菜味同埋日本醬汁味，表面放上咗日本生雞蛋，撈勻嚟食，令到飯糰充滿蛋香，味道更加多層次。惹味京蔥豚肉串師傅燒得啱啱好，鎖住豚肉既肉汁，豚肉用上咗半肥瘦，燒完之後食得出脂肪嘅香，豚肉質感嫩滑軟身，配埋京蔥一齊食，好香口，鐘意食京蔥既朋友千祈唔好錯過。免治雞肉棒串日本居酒屋受歡迎嘅串燒之一，免治雞肉棒燒至外面微焦香脆，內裏雞肉爽嫩多汁，食落啖啖肉同好有咬口，配上攪勻嘅日本生雞蛋黃嚟食，

涼涼地, 想食串燒, 朋友介紹川酒舍,所以今日就去試試, 局居酒屋佈置簡單樸實,好有日本感覺 ,職員推介汁燒雞脆骨, 燒汁好好味, 個骨好脆口, 完全同雞軟骨唔同我地仲叫左汁燒翠肉瓜, $68秘製爽口白鱔,個鱔好肥好厚肉, 好香魚味, $78蒜燒大聖子, 必食, 又大又肥, 勁勁鮮甜配埋大量蒜蓉,提升左海鮮既鮮味$25炸飯團, 個皮厚左D,味道正常,好香口的 .$32爆芝士烤菇,我地掛左傾計,所以芝士凍左無咁好食, 啡菇大大隻,好JUICY$25脆香焦糖蕃茄, 一定要食, 蕃茄勁大隻,又厚又甜又香又多汁,上面仲有焦糖,配合得好清新好味

個標題可能對佢有啲唔公平這就是我的感覺先講環境：大致上都好整齊，算係衛生服務態度：呢方面佢哋真係做得幾好👍食物方面：呢一部份呢，就真係唔係好掂基本上佢所有嘢都係好鹹落啲味粉，落得太犀利喊到確喉😳希望佢哋整理返好啲啦

今日去到尖沙咀加連威老道，這一間居酒屋叫川洒舍，地方唔大，不過坐得好舒服, 居酒屋主打串燒，燒烤，有好多唔同日本酒，清酒啤酒當然都係主打，大家可以一邊食串燒一邊摸吓酒杯底飲兩杯👍🏻三款前菜都好吸引E一個係雞拼盤有好多唔同部位 都幾特別 $138燒飯團，燒到外層香脆焦香，放埋日本生雞蛋撈埋一齊食，令到整個飯團味道更加香濃川洒舍燒飯團$48魚湯湯煮花甲係我必選鮮魚湯煮花甲$98原隻燒生蠔$78爆芝士燒烤菇$32腩片蘆筍卷$48⚠️💁🏻‍♂️ 溫馨提示：所有體驗均屬於個人分享，食品質素及服務只代表當天的評價。歡迎留言及分享你們的用餐體驗。大家緊記酒店或餐廳質素可能因各種原因下跌, 本人沒能力亦不是我控制範圍內。還望大家明白🙏🏻🙏🏻如果喜歡這影片，請按讚、分享、訂閱！

平時返工咁大壓力，放工嘅時候梗係想飲杯嘢輕鬆一下。但係又唔想淨係飲酒，所以就搵咗依間位於尖沙咀加連威道嘅《川酒舍》。直接就叫左佢地嘅套餐極上之肉套餐+一杯Orion生啤$228第一次飲Orion生啤，原來佢地係黎自日本沖繩嘅品牌，黃金色嘅顏色好吸引，面頭嘅泡沬順滑，飲完好清爽。汁燒厚切牛舌厚切嘅牛舌好爽口，因為係汁燒關係，一啲都唔會乾，食落仲有好多肉汁。汁燒雞肉串雞肉燒嘅時間啱啱好，雞肉嫩滑，外層嘅雞皮又香脆，好推介。鹽燒雞中翼相比雞肉串，鹽燒嘅雞中翼外皮更加香脆，肉汁亦都比較多，鹽燒汁燒就睇個人好味。京蔥豚肉串豚肉好厚身，脂肪比例適中，肉質軟腍又有肉香。京蔥燒到好脆身，同豚肉都幾夾。汁燒翠肉瓜翠肉瓜好脆又多汁，仲要好爽口。汁燒杏鮑菇多汁嘅杏鮑菇充滿杏香，質感彈牙。杏鮑菇同翠玉瓜都燒得好好食💰人均228蚊一位如果唔想錯過其他好餐廳嘅介紹，記得follow我呀😘多謝大家！！！

今日同朋友去試左一間係尖沙咀嘅一間日式居酒屋，除左有基本刺身之外，主要以燒物為主，餐牌上仔細咁分開唔同肉類的選擇，而且仲係有得坐吧臺望住師傅整野食，可以比我地未有得返鄉下(日本)既朋友仔，回味下個種感覺。講返食物質素個人覺得全部CP幾高，而且有幾款特別鐘意燒飯團，燒到外層香脆焦香，但入面一D都唔乾，特別在放埋日本生雞蛋撈埋一齊食，令到整個飯團味道更加香濃鮮魚湯煮花甲，外表睇落平平無奇，奶白色的魚湯，飲落十分鮮甜，最重要係一D都唔腥仲有牛骨髓，估唔到居酒屋都有得食真係好少見，配埋脆脆多士一齊食真係一流青檸薄荷梳打，唔似得一般餐廳咁，只會用薄荷糖水，呢度用左新鮮薄荷葉同青檸，唔單只可以解膩，仲帶比人一種好清新既感覺其餘仲叫左腩片露筍卷爆芝燒烤菇蒜燒原條日本茄子鹽燒泰國大頭蝦惹味燒乳鴿

位於尖沙咀嘅一間日式居酒屋🏮 以燒物為主，裝修以日本和風🎎貫穿成間店舖，最重要係可以坐吧臺望住師傅整野食😌*燒飯團🍙 $48外層香脆帶飯焦香，而且上面放隻日本生蛋黃😍 將飯糰撈埋蛋汁一齊食，喺我暫時食過最好食嘅 🥰*鮮魚湯煮花甲🥘 $98真係好鮮甜😍 魚湯應該係額外再加魚乾煲成，就算放咗一段時間都唔腥*腩片露筍卷 $48薄切腩片燒到勁香脆🤤 配埋露筍一齊食啱啱好中和返油膩感*爆芝燒烤菇 $32芝士好足料，焗都變曬金黃色，咬落多汁juicy *蒜燒原條日本茄子🍆 $58燒到啲肉一梳梳，而且唔似出面咁淨係識得落椒鹽粉做調味*鹽燒泰國大頭蝦🍤 $68/2隻爽口彈牙，仲帶有少量蝦膏 *惹味燒乳鴿 $98呢隻乳鴿bb燒到緊緊熟，咬落肉質嫩滑👍🏾*香烤牛筒骨髓 $88好heavy🤪 放喺多士面頭一齊食個口充滿油香*青檸薄荷梳打 $48係用新鮮薄荷葉而唔係用糖漿溝成，好fresh 💚*檸檬蜂蜜梳打 $38淡淡嘅蜂蜜香，飲落唔會好重檸檬酸

位於加連威老道地舖，開業咗大約半年嘅川洒舍，係我近期食過數一數二高質素既食店，這裏簡單嚟講係一間居酒屋，主打串燒，燒烤，種類繁多，豬，牛，羊，雞，海鮮，蔬菜，炸物，主食都有，當然唔少得摸吓酒杯底飲兩杯，清酒啤酒當然都係主打👍🏻這裏地方唔太大，一入門口一眼望晒，木系裝修，充滿日本風情，位置坐得非常舒服，分開吧枱及多張四人枱，播放住好多日文改篇嘅廣東歌既日文版，氣氛超級好，聽住熟悉嘅歌曲好有共鳴，真係想唱埋一份😎▪️是日晚餐二人前，食下串燒飲吓酒，不知不覺又食咗好多嘢🤭🐠海鮮▪️燒白鱔 $ 68燒白鱔皮脆，肉質厚身，爽口又彈牙，非常鮮味▪️蒜燒日本廣島𧐢 $ 78必食推介，新鮮生蠔大隻又飽滿，味道鮮甜，好Juicy 充滿𧐢汁，配合埋蒜蓉少少辣椒，夠惹味▪️鹽燒日本鯖魚 $ 78日本鯖魚特別大條肥美好厚肉，燒到魚皮香脆，肉質充滿肉汁，加上檸檬汁，好好食🐔雞▪️免治雞肉棒 （2串）$ 60自家製手打雞肉棒，雞肉爽口彈牙，食到粒粒雞軟骨，口感爽脆，配合埋燒汁日本蛋黃，美味▪️脆脆雞皮串 （2串）$ 50日本直送鮮雞皮，外皮香脆，口感仍然食到雞皮嘅脂肪，雞油滿瀉，味道鹹香，最鍾意食呢種狀態嘅既雞皮▪️惹味雞心串

▪️今日同朋友去開尖沙咀突然間想食串燒，路過加連威老道，見到 ［川酒舍] 被門口嘅Menu吸引咗入去，因為好多選擇，價錢合理，基本上有齊晒我想食既串燒👍🏻▪️這裏環境幾舒服，雖然地方唔太大，但係座位寬躺坐得好舒服，店舖播住日文版嘅廣東歌，有非常熟悉的感覺，氣氛超好，今晚食得非常開心▪️我哋兩個人都點咗好多嘢食，一邊飲酒，一邊食一邊慢慢點菜，越食越多😎同店主傾開計，透露佢哋既食材主要大部份都係日本直送，非常高質素，而海鮮係每日到街市親自選購最新鮮的，加上廚師調味及掌握火候嘅功價十足，所以今日食到嘅食物我地全部都覺得好好食，下次一定會再回訪，這裏實在是食串燒和飲酒嘅好地方👍🏻👍🏻🐠海鮮✨燒白鱔 $ 68✨蒜燒日本廣島𧐢 $ 78✨鹽燒日本鯖魚 $ 78🐔雞✨免治雞肉棒 （2串）$ 60✨脆脆雞皮串 （2串）$ 50✨惹味雞心串 $ 28✨惹味雞肝串 $ 28✨汁燒雞胸脆骨串 $ 32🐷 豬 & 牛🐮✨秘制果香牛肋條 $ 128✨汁燒爽口豬頸肉 $ 68🍙主食🥖麵包🍲湯✨川洒舍炸飯團 $ 25✨鮮魚湯雜菜鍋 $ 48✨烤焗蒜蓉包 $ 25🍍甜品✨脆脆焦糖菠蘿 （兩份） $ 50🍻🍹✨荔枝紅冷泡茶

難得放寬後，公司同事們可以約埋一齊食餐大既一行十六人，職員安排好搭好分兩檯系卡位再用獨立枱延長一齊坐哂。第一次食唔知食乜好，老闆介紹個燒龍蝦，燒雞翼，燒雞腎，燒蠔，燒魚，菠蘿。全部都燒得好好👍🏻大家都食哂。當然開心時刻大家都飲下清酒，雖然自己飲酒唔叻但都知點都有少少苦，但依到會有切好既青檸放入杯飲落去唔苦唔酸岩岩好。而老闆行過都同我地搞下氣氛飲兩杯。食之前太開心冇影到相，食完先記得影，比大家望下清檯畫面。

話說這間位於尖沙咀既串燒店是我第二次幫襯，第一次我同個仔去食lunch,佢地個魚湯烏冬巳經令到我地一試難忘，用鮮魚製作，鮮味到我仔一滴湯都不漏之後我地夜晚再去食只串燒，起初點左燒雞亦，鹅肝多士，雞皮,雞腎等等燒物，大家以為普通，點知味道好野味配作地店內的onion啤一流，之後店長推介我地叫左一客燒雞脆骨，之前未食過，但係最後我已愛上它，每次呢味串燒同魚湯娃娃菜花甲煲係我必選，所以每當我有朋友約食飯我都會推介一下，價格實惠，大家快D去試!

前兩日行街無意中發現左哩間食串燒既舖頭，一般串燒舖黎黎去去唔係食燒雞翼就燒雞扒豬扒咁，黎到哩到見到有海鮮又鵝肝，同埋哩到竟然有燒乳鴿同埋有個諗都諗唔到可以燒既嘢食，竟然係燒牛骨，同個朋友都好有興趣試下。 哈哈 唔好講笑，真係驚起一浪接一浪 海鮮係鮮甜，雖然上面鋪滿咗好多蒜蓉，但一啲都冇搶到海鮮本身嘅味，鵝肝多士有燒烤過既香味，咬落一d都唔乾仲好汁。重點推介，佢哋新出左一個每日限定既燒牛仔筒骨，原本以為一定好膩，但佢配左烤過嘅多士一齊食，係超超超超夾，麵包又吸咗牛骨嘅精華，雖然冇食牛肉但係有種牛肉嘅香味十足。另一個推介既竟係燒乳鴿，平時炸乳鴿食得多，燒乳鴿都係第一次，心諗一定會好硬好乾，點知一想菜嘅時候已經聞到好香，食落去個陣仲好入味同埋肉質好淋多汁。唔會係死死實實「鞋」口既感覺。問左老闆佢過定期會更換新嘅餐牌，同埋會加入一啲特別嘅菜式希望每次嚟嘅客人都會遇到唔同嘅新菜式，我好期待下一次可以試到啲乜嘢辛苦菜😋😋😋😋

尖沙咀系我平時吾會來既地方，今日食過呢間新開串燒店，令我要再來呢間店環境吾錯，地方夠大，吾會坐到好迫，我去過既串燒店大多都系d抬放到密密麻麻，呢道坐得舒服，食完吾會成身味先系重點必食：蕉糖蕃茄 芝士年糕 小心熱🤣炒什菇 燒蠔 蒜汁好juicy,要連汁食雞胸軟骨菠蘿好食但好大份，你地會食吾曬茄子 蒜味勁正牛舌 厚燒入味翠肉瓜 娃娃菜 （成棵比曬你咁濟，又吾油）今次叫太多野，下次想試下個魚湯蜆，我見隔離幾張掂都有叫

同朋友經過尖沙咀諗住揾啲嘢食 見到門口好似幾吸引,一入到去, 啲staff都好有禮貌, 帶左我地4個人坐卡位食物⭐️⭐️⭐️⭐️： 質素overall都相當唔錯, 味道適中, 我鍾意食佢嘅炸雞皮同雞翼，用嚟送酒一流👍👍環境⭐️⭐️⭐️⭐️地方唔大，不過坐得好舒服,位同位之間唔會逼。大聲d傾計都唔怕😆😆有機會嘅話會再去幫襯！