影片
更多
2024-12-22
597 浏览
今日去咗尖沙咀The ONE一间叫「Odelice! 」食晚餐，呢间餐厅喺尖沙咀、湾仔、沙田同荃湾都有分店，尖沙咀呢间分店嘅座位宽敞，气氛有情调。我仲发现到佢哋嘅晚市套餐好抵食，$538嘅价钱就可以食到餐包、两份小碟、两个主菜同两碗汤，小碟可以拣头盘或者甜品，另外仲可以加钱嗌法国生蚝、龙虾、牛扒、鹅肝或者XTC雪糕。🍊餐汤是日餐汤系几特别嘅火鸡汤，将火鸡肉、薯仔同大葱磨脆打烂至浓稠质地，饮落去口感顺滑，冇乜颗粒感，味道唔算浓味🍊香煎带子带子嘅尺寸颇大，两边都煎到好香，但又唔会过熟，仍然保持带子鲜嫩嘅口感，酱汁配有忌廉同炸蒜，充满忌廉奶油嘅白汁同带子嘅味道好夹🍊法国田螺法式焗田螺配上传统嘅香草蒜香牛油，酱汁嘅味道经典又惹味，田螺食落几爽口，略嫌尺寸较细🍊原只烤龙虾原只开边龙虾嘅尺寸几大只，虾肉爽口弹牙，配上大量芝士、忌廉同大葱去焗，每一啖都食到芝士同龙虾嘅绝配，龙虾下面有蕃茄酱汁焗薯粒同酸种面包🍊阿根廷安格斯牛脊肉安格斯牛脊肉非常厚身，肉质结实而肉味浓郁，唔会烧到太过韧，配上特制嘅鹅肝白兰地酱汁，更加突出牛肉嘅香味，配上煎脆嘅法边豆同焗薯粒，主菜同配料都非常夹🍊Frozen Tropic
🍊餐汤
是日餐汤系几特别嘅火鸡汤，将火鸡肉、薯仔同大葱磨脆打烂至浓稠质地，饮落去口感顺滑，冇乜颗粒感，味道唔算浓味
🍊香煎带子
带子嘅尺寸颇大，两边都煎到好香，但又唔会过熟，仍然保持带子鲜嫩嘅口感，酱汁配有忌廉同炸蒜，充满忌廉奶油嘅白汁同带子嘅味道好夹
🍊法国田螺
法式焗田螺配上传统嘅香草蒜香牛油，酱汁嘅味道经典又惹味，田螺食落几爽口，略嫌尺寸较细
🍊原只烤龙虾
原只开边龙虾嘅尺寸几大只，虾肉爽口弹牙，配上大量芝士、忌廉同大葱去焗，每一啖都食到芝士同龙虾嘅绝配，龙虾下面有蕃茄酱汁焗薯粒同酸种面包
🍊阿根廷安格斯牛脊肉
安格斯牛脊肉非常厚身，肉质结实而肉味浓郁，唔会烧到太过韧，配上特制嘅鹅肝白兰地酱汁，更加突出牛肉嘅香味，配上煎脆嘅法边豆同焗薯粒，主菜同配料都非常夹
🍊Frozen Tropicolada
呢一杯 mocktail由菠萝、香蕉同椰奶混合而成，菠萝同椰奶一向都系绝配，椰奶可以带出菠萝嘅甜味，而香蕉同椰奶打烂之后嘅口感非常顺滑，而且味道唔算太甜，饮落去非常开胃
🍊Red wine
今次拣咗产自法国Burgundy嘅Domaine Roux Père & Fils VDF，用pinot noir酿制，味道较轻身而又唔会太dry，几容易入口，同安格斯牛脊肉一齐食好配
📍尖沙咀弥敦道100号The ONE 4楼L407号
位置就脚：🍊🍊🍊🍊🍊
餐厅环境：🍊🍊🍊🍊🍊
食物味道：🍊🍊🍊🍊🍊
整体CP值：🍊🍊🍊🍊🍊
张贴
