蟹仙海鮮私房．蒸氣石碢 (環海大廈)

营业中

休息中

今日去咗尖沙咀一间叫「蟹仙海鲜私房．蒸气石碢」嘅餐厅食晚餐，餐厅主打新鲜生猛嘅海鲜。我哋嗌咗每位$449嘅尊贵海鲜套餐，一共有10款时令海鲜，职员会根据海鲜蒸熟所需嘅时间而分批帮忙蒸煮海鲜，每款大概3至8分钟左右，蒸完套餐入面嘅海鲜之后，海鲜嘅精华会透过蒸架滴入下面嘅粥底，混合猪骨同粟米粒嘅粥底非常鲜甜，食完非常饱肚。最后套餐仲会送糖水，今日嘅是日糖水系椰汁炖血燕，味道唔会太甜，食落有一丝丝嘅血燕，感觉好滋补。🍊加拿大野生海虎虾虾肉爽口，食材新鲜，食落有虾嘅鲜味🍊黄金翡翠螺贝壳呈翠绿色，喺个壳入面挑出嚟嘅螺肉尺寸好大，味道鲜甜，口感肥美🍊台湾九孔鲍鱼口感爽口弹牙，蒸得啱啱好，唔会太韧🍊韩国斧山珍珠蚝尺寸唔算太大，蒸完之后唔会有腥味🍊大西洋野生青口喺公海嘅深海捕捉，比起平时食到喺浅水生长嘅青口更加清甜🍊蟹皇大元贝尺寸几大，配上师傅挑出嚟嘅蟹膏同蟹肉混合而成嘅蟹黄酱，酱汁味道非常浓郁，带出元贝嘅鲜味🍊野生琵琶龙虾啖啖虾肉，口感饱满，虾膏味道浓郁🍊罕有藻食绿膏蟹有满满嘅蟹膏，食完齿颊留香，蟹钳嘅蟹肉好饱满，蟹肉口感软滑🍊太平洋馒头蟹馒头蟹嘅尺寸较细，冇乜蟹膏，蟹钳蟹脚亦都较细，蟹肉口感较结实