和牛燒肉‧純

今日去咗尖沙咀一间叫「和牛烧肉纯」嘅日式烧肉肉料理餐厅食晚餐，呢间餐厅系日本最大型嘅食品供应商JA全农集团旗下嘅餐厅，可以直接喺日本全国多个县市进口各类和牛，例如飞驒牛、佐贺牛、山形牛同黑毛和牛等等，肉类食材嘅来源非常可靠，品质有保证。餐厅嘅空间好大，有多个独立嘅包厢，食客嘅私隐度好高，坐得好舒适。呢度除咗可以食烧肉，仲可以食寿喜烧，有唔同嘅套餐可以选择。最近餐厅做紧个周年庆活动优惠，只需用半价就食到原价$1680嘅A5特选和牛肉眼同烧肉拼盘，真系超级抵食！🍊A5特选和牛肉眼同烧肉拼盘成个拼盘都系A5和牛，有齐特选和牛肉眼、和牛上牛排肉、和牛肩眼、和牛牛排肉同牛舌。特选和牛肉眼嘅油花好似雪花咁靓，油脂分布平均，食落去入口即溶，带有满满嘅油香；牛舌属于薄切，轻轻一烧就已经烧得好香，口感爽口；和牛牛排肉嘅口感较为结实，咬落去有牛肉嘅质感；和牛上牛排肉嘅油脂会较牛排肉多，食落去口感嫩滑有油香：和牛肩眼嘅牛肉味道最为浓烈。呢个拼盘只有肉类，想烧蔬菜或配白饭嘅话要额外加配。🍊豆腐沙律豆腐、沙律菜、蕃茄仔、芝麻酱嘅配搭好开胃，食完呢个前菜再食浓味嘅烧肉🍊饮品 我哋嗌咗日本生啤同highball，配